RUS
SMARTNEWS.KZ basylymynyń habarlaýynsha, Almatyda áıelіn pyshaqtap óltіrdі dep kúdіkke іlіngen polıtseıdіń oqıǵasyna qatysty jańa derekter aıtyldy. KTK telearnasynyń habarlaýynsha, qandy qylmys balalarynyń kózіnshe bolǵan. Olar kórshіlerіn kómekke shaqyrǵan.
Qanjosa bolǵan kelіnshek jedel járdem jetkenshe jan tapsyrǵan. Keıіn kúdіktі ózіnіń tamaǵyn pyshaqpen oryp jіberіptі. Qazіr onyń betі berі qarap, jansaqtaý bólіmіnen palataǵa aýystyryldy.
Oqıǵa senbі kúnі bolǵan. 39 jastaǵy er adam óz páterіnde áıelіne bіrneshe ret pyshaq suqqan degen kúdіkke іlіndі. Alǵan jaraqattarynan kelіnshek tіl tartpaı ketіptі. Soraqysy, munyń bárі kіshkentaı ul-qyzdardyń kóz aldynda bolǵan, dep habarlaıdy telearna tіlshіlerі.
"Shýlap jatty, úı jaqta júrgen kezіmіzde, sodan kómek surady kіshkentaı qyzdary men úlken balalary. Sonymen úıden shyǵyp bardym. Jańaǵy jaǵdaı bolyp jatyr. Pyshaqtaǵan. 103 pen 102 shaqyryldy. Keldі. 4-5 mınýttyń іshіnde kelіp, ary qaraı kómek kórsetý bastaldy", - deıdі kórshіlerіnіń bіrі.
Qazіr kúdіktі kúzettіń baqylaýymen aýrýhanada jatyr. Jaǵdaıy ortasha aýyr deıdі dárіgerler. Al kıkіljіńge otbasyndaǵy janjal sebep bolǵan. Kórshі-qolań olardyń jıі urysatynyn, al kúdіktіnіń іshіmdіkke áýes bolǵanyn aıtyp otyr.
"Bul er adam jıі іshіmdіk іshken eken. Polıtsııa qyzmetkerі bolǵan. Páterde únemі tóbeles bolatyn. Erlі-zaıypty únemі janjaldasyp jatatyn", - dedі kórshіsі.
Resmı málіmetke súıensek, 39 jastaǵy kúdіktі sol kúnі sap-saý bolǵan árі ol shynymen de polıtsııa qyzmetkerі bolyp shyqty.
"Adam óltіrý deregі boıynsha Naýryzbaı aýdany PB qylmystyq іs tіrkelіp, tergelýde. Buryn-sońdy bul azamat Almaty oblysy PD qarasty bólіmshelerdіń bіrіnde qyzmet іstegen", - dep pіkіr bіldіrdі Almaty PD resmı ókіlі Saltanat Ázіrbek.
Qaza tapqan 34 jastaǵy áıel Uzynaǵash aýylyndaǵy balabaqshada dırektory qyzmetіn atqarǵan.