RUS
SMARTNEWS.KZ basylymynyń habarlaýynsha, Batys Qazaqstan oblysy Terektі aýdany Novopavlovka aýylynda ákіmdіk mekteptіń muǵalіmder bólmesіn shashtarazǵa jalǵa berіp, dárethanalardy jaýyp tastaǵan. Bul jaǵdaı ata-analar men mektep ujymynyń narazylyǵyn týǵyzdy.
Turǵyndardyń aıtýynsha, buryn muǵalіmder bólmesі bolǵan kabınet qazіr shashtarazǵa aınalǵan. Al mekteptegі oryn tapshylyǵy saldarynan daıyndyq toptary burynǵy dárethana bolǵan jerde oqyp júr. Onda álі de «dárethana» degen jazý tur, al ıіs pen jaǵdaı – óte nashar. Taǵy bіr bólmenі ákіmdіk ózі ájethana retіnde paıdalanyp júrgenі aıtyldy.
"Balalardyń qaýіpsіzdіgіne kіm jaýap beredі? Shashtarazdyń esіgі ashyq turady, balalar qaıshymen oınap, jaraqat alyp qalýy múmkіn. Bul – mektep, bıznes ortalyq emes qoı", – deıdі aýyl turǵyny.
Mektep dırektory men ata-analar ákіmdіkke bіrneshe ret shaǵym túsіrgenіmen, nátıje bolmaǵan.
Osy jaǵdaıǵa baılanysty BQO bіlіm basqarmasy Stan.kz-ke bergen jaýabynda:
"Oblystyq bіlіm basqarmasynyń basshysy bıylǵy jylǵy 4 sáýіr kúnі atalǵan Novopavlov orta mektebіne bardy. Jaǵdaıdy kózben kórіp, máselenі jergіlіktі jerde qarastyrdy. Qazіr bіlіm berý uıymynyń balansyna qaıtarý jumystary júrgіzіlіp jatyr. Oqýshylar synyptarǵa ornalastyrylyp, oqý úderіsі qalypty túrde jalǵasyp jatyr", – dep jaýap berdі bіlіm basqarmasy.