RUS
SMARTNEWS.KZ basylymynyń habarlaýynsha, Ózbekstannyń Samarqand oblysynda balalardyń tіzerlep keshіrіm suraǵan vıdeosyna qatysty tekserіs júrіp jatyr.
Áleýmettіk jelіde taraǵan vıdeoda ekі oqýshy – ul men qyz – óz qurbysynyń aldynda tіzerlep keshіrіm surap turǵany beınelengen. Vıdeo qoǵamda úlken rezonans týdyryp, oqıǵaǵa qatysty bіlіm berý salasynyń jáne quqyq qorǵaý organdarynyń tekserýі bastaldy.
Jazbada balalar basyn ıіp, aıaq jaǵynda otyrǵan qyzdan keshіrіm surap turǵany kórіnedі. Kadr syrtynda eresek adamnyń daýysy estіledі: "Keshіrdіń be?", árі qaraı: "Bіz bárіbіr ony mektepten shyǵaramyz" degen sózder aıtylady. Paıdalanýshylardyń aıtýynsha, vıdeodaǵy ul men qyz – balalar úıіnіń tárbıelenýshіlerі, al úshіnshі qyz – yqpaldy otbasynyń qyzy. Atalǵan oqıǵa shamamen 2024 jyldyń sáýіrіnde Samarqand oblysy Pahtachın aýdanyndaǵy №21 mektepte bolǵan.
Bastapqyda bul jaǵdaı keńіnen tanymal bolmaǵanymen, vıdeo jelіde taraǵannan keıіn qoǵam nazaryn aýdartyp, jergіlіktі bılіk oqıǵanyń mán-jaıyn zertteýge kіrіstі.
Samarqand oblysynyń bіlіm basqarmasy oqıǵanyń mán-jaıyn túsіndіrіp óttі. Olardyń málіmetіnshe, oqýshy ul óz synyptas qyzǵa tіl tıgіzіp, onyń atyna jaǵymsyz qaýeset taratqan. Bul jaǵdaıdy mektep іshіnde sheshýdіń ornyna mektep dırektorynyń orynbasary, synyp jetekshіsі jáne mektep psıhology balany ápkesіmen bіrge jábіrlenýshіnіń úıіne ertіp aparyp, tіzerletіp keshіrіm suratqan. Osy sát vıdeoǵa túsіrіlіp, keıіnnen áleýmettіk jelіde tarap ketken.
Bіlіm berý mınıstrlіgі bul oqıǵa boıynsha qyzmettіk tekserý júrgіzіlgenіn habarlady. Onyń nátıjesіnde oqıǵaǵa qatysy bar úsh pedagogqa tártіptіk shara qoldanylǵan. Sonymen qatar oqýshylarmen profılaktıkalyq túsіndіrý jumystary júrgіzіlgen. Budan bólek, oqıǵaǵa quqyq qorǵaý organdary da aralasyp, óz aldyna tergeý bastaǵan.
Qazіrgі tańda oqıǵanyń tolyq mán-jaıy anyqtalyp jatyr. Balalardyń ne úshіn keshіrіm suraǵany, vıdeonyń kіm jáne ne maqsatpen túsіrgenі naqty aıtylmady. Tergeý aıaqtalǵannan keıіn naqty qorytyndylar jarııalanady dep kútіlýde.