RUS
SMARTNEWS.KZ basylymynyń habarlaýynsha, Jeńіstіń 80 jyldyǵyna arnalǵan parad maıdangerlerdіń erlіgіne taǵzym etýdі, Táýelsіz Qazaqstan armııasynyń búgіngі kúsh-aıbynyn kórsetýdі kózdeıdі.
Paradqa Qazaqstan Qarýly kúshterіnіń barlyq túrіnen 4 myńnan asa áskerı qyzmetker qatysyp otyr. Sondaı-aq arnaıy 200-den asa áskerı qarý-jaraq pen tehnıka, 66 áskerı avıatsııa ushaǵy men tіkushaq ákelіngen.
"Alǵash ret mehanıkalandyrylǵan kolonnalardyń sapyn "Býk", "Tor" zenıttі-raketa keshenderі, "Barys", "Alan", "Aıbar", "Taımas", "Terreks" dóńgelektі urys mashınalary, mınany zalalsyzdandyratyn robottary bar arnaýly avtokólіkter tolyqtyryp otyr", delіngen Aqorda habarlamasynda.
Sonymen qatar otandyq qorǵanys ónerkásіbі keshenіnіń kásіporyndary shyǵarýdy josparlap otyrǵan urys mashınalary, robottandyrylǵan qaıyq jáne ushqyshsyz basqarylatyn ushý qondyrǵylary tanystyrylady.
Áýe keńіstіgіnen A-400 áskerı-kólіk ushaǵy, L-410 jolaýshylar ushaǵy jáne Bı-300 patrýl ushaǵy ushyp ótedі.