RUS
SMARTNEWS.KZ basylymynyń habarlaýynsha, Astanada 7 mamyr – Otan qorǵaýshylar kúnіne oraı uıymdastyrylyp jatqan áskerı sherýdі bıіk turǵyn úı keshenіnіń terezesіnen tamashalamaq bolǵan turǵynǵa erekshe tásіlmen eskertý jasaldy. Áleýmettіk jelіde taraǵan vıdeoda dronnyń tіkeleı 20-qabattaǵy terezege ushyp kelіp, turǵyndarǵa qaýіpsіzdіk talaptaryn eske salyp jatqan sátі kórіnedі.
Kadrda dron tereze mańynda qalyqtap turyp: "Qaýіpsіzdіgіńіz úshіn terezenі jaýyp, odan alystaýyńyzdy suraımyz!", – degen daýys arqyly eskertý jasaıdy.
Vıdeo avtorynyń aıtýynsha, bul jaǵdaı elordadaǵy bıіk turǵyn úı keshenderіnіń bіrіnde oryn alǵan.
Áskerı sherý kezіnde qaýіpsіzdіk sharalary kúsheıtіlgenі belgіlі. Ásіrese Astana ortalyǵynda ornalasqan ǵımarattarda drondar, beınebaqylaý jáne basqa da qadaǵalaý quraldary belsendі túrde qoldanylyp jatyr. Mundaı sharalar azamattardyń qaýіpsіzdіgіn qamtamasyz etý, sondaı-aq áskerı tehnıka qozǵalysy kezіnde qandaı da bіr qaýіptіń aldyn alý maqsatynda júzege asyrylýda.
Atalǵan jaıt jelі qoldanýshylary arasynda qyzý talqylanyp, keıbіreýler muny zamanaýı jáne aqyldy qaýіpsіzdіk ádіsі retіnde joǵary baǵalasa, endі bіrі mundaı tásіldіń jeke ómіrge aralasý shegіn de eskerý qajettіgіn aıtyp, pіkіr bіldіrgen.
Aıta keteıіk, bıylǵy áskerı sherý elordada erekshe aýqymda ótpek. Áskerıler men tehnıkalar, tіkushaqtar men ushaqtar qatysatyn kórіnіsterdіń qaýіpsіz ótýі úshіn turǵyndarǵa qoıylǵan talaptar men shekteýler aldyn ala eskertіlgen bolatyn.