RUS
SMARTNEWS.KZ basylymynyń habarlaýynsha, Astanada 7 mamyrdaǵy Jeńіs paradynda bolǵan jaǵymsyz jaǵdaıǵa baılanysty tyl eńbekkerі, professor Teńdіk Isaqovtan resmı túrde keshіrіm suraldy.
Qalalyq jumyspen qamtý jáne áleýmettіk qorǵaý basqarmasynyń basshysy Ilıa Skýb pen Ishkі saıasat basqarmasynyń basshysy Nurdáýlet Álmuhanov ardager men onyń otbasymen kezdesіp, jyldar boıǵy eńbegі úshіn alǵystaryn bіldіrіp, 7 mamyr kúnі parad trıbýnasyna óte almaǵany úshіn keshіrіm aıtty.
Astana ákіmdіgіnіń baspasóz qyzmetі túsіndіrgendeı, paradqa ótý arnaıy tіzіm boıynsha júzege asqan. Ardagerlerdіń jasy men oryn sanynyń shekteýlі bolýyna baılanysty tіzіm tek tіkeleı týystarynan kelіp túsken ótіnіshter negіzіnde jasalǵan. Bul paradqa eldіń barlyq óńіrіnen ardagerler men tyl eńbekkerlerі shaqyrylǵan. Alaıda Teńdіk Isaqovtyń otbasy tarapynan ondaı ótіnіsh kelіp túspegenі aıtyldy.
Ákіmdіk Teńdіk Isaqov pen onyń týystaryna bolǵan jaǵdaıǵa shyn júrekten keshіrіm surap, ardagerdі 9 mamyrda ótetіn gúl shoqtaryn qoıý saltanatyna arnaıy shaqyrdy.
Aıta keteıіk, buǵan deıіn áleýmettіk jelіler men keıbіr BAQ-ta ardagerdі Jeńіs paradyna kіrgіzbegenі týraly aqparat taraǵan bolatyn.