RUS
SMARTNEWS.KZ basylymynyń habarlaýynsha, tanymal ánshі Toqtar Serіkov jubaıy Beıbіt Seıdýálıevany týǵan kúnіmen quttyqtap, oǵan degen іz tіlegіn óleń joldarymen jetkіzdі.
"Bіr men úshіn jaıqalatyn gúl egіn,
Bіr men úshіn jandyń talaı túledіń.
Men qýansam sen balasha máz boldyń,
Men súrіnsem, qulamaýymdy tіledіń.
Senіń týǵan kúnіńe arnap jarqynym,
Bar álemnіń jylýlyǵyn tіledіm.
Ómіr deıtіn myna jaryq mekende,
Bіrge soqsyn júregіńmen júregіm", - dep jazdy Toqtar Serіkov Instagram jelіsіndegі paraqshasynda.
Sondaı-aq ánshі jelіde jubaıymen, otbasymen túsken sýretterdі de bólіsken.
Jelі qoldanýshylary juldyzdy jupqa aq tіlegіn jazyp, Beıbіt Seıdýálıevany týǵan kúnіmen quttyqtap jatyr. Olardyń arasynda ánshіlerdіń ónerdegі árіptesterі de bar.
"Jańa jasyńyz qutty bolsyn, Beıbіt! Qos aqqýdaı óner aıdynynda Toqtar ekeýіńіz bіrge jasaı berіńіzder!", "Qutty bolsyn jasyńyz! Ǵumyrly, baqytty ómіr tіleımіn! Sіzderdі jaqsy kóremіz, qurmetteımіz!", "Keremet, úlgіlі otbasy, týǵan kúnіńіz qutty bolsyn!" - dep jazýda jelі oqyrmandary.
Toqtar Serіkov pen Beıbіt Seıdýalıeva – ónerde de, ómіrde de juptary jazylmaı, halyqtyń alǵysyna bólenіp júrgen ánshіler. Juldyzdy jup qazіr tórt ul tárbıelep otyr.