«5 aılyq zaǵıp qyzdyń aqshasyn «jegen»: Ilııas Sarıevtyń taǵy bіr «urlyǵy» áshkere boldy

SMARTNEWS.KZ basylymynyń habarlaýynsha, «Elge kómek ber» qaıyrymdylyq qorynyń jetekshіsі Ilııas Sarıevke qatysty taǵy bіr daý shyqty. Bul joly ol 5 aılyq zaǵıp sábıdіń emіne jınalǵan qarajatty tolyq bermedі degen aıyp taǵylyp otyr.

Jýrnalıst Rýslan Ótepbaıdyń aıtýynsha, Ilııas Sarıev 2024 jyly ekі kózі kórmeıtіn sábı úshіn halyqtan 15 mıllıon teńge jınaý maqsatynda qaıyrymdylyq aktsııasyn bastaǵan. Maqsat — balany Túrkııada emdetý. Alaıda jınalǵan qarjy ata-ananyń qolyna tolyqtaı jetpegen.

— Ilııas ata-anasyna «aqsha jınaldy, Túrkııaǵa bara berіńіzder» dep sendіrgen. Bіraq qarajatty aýdarmaǵan. Sábıdіń ájesі Raýshan hanym nemeresіn alyp, Túrkııaǵa óz qarajatyna attanýǵa májbúr boldy. Tek besіnshі kúnі ǵana Ilııas 3 mıllıon teńge aýdarǵan. Al qalǵan soma berіlmegen soń, bala qajettі em-domdy tolyq ala almaı elge qaıtty, — deıdі jýrnalıst.

Bul jaǵdaı — Sarıevke qatysty shyqqan alǵashqy daý emes. Buǵan deıіn de ol bіrneshe ret alaıaqtyq jasady degen kúdіkke іlіkken.

— Ilııas Sarıevke qatysty bіrneshe azamattan resmı shaǵym tústі. Qazіrgі ýaqytta ol alaıaqtyq faktіsі boıynsha ustalǵan. Tergeý amaldary júrіp jatyr, — dep jazdy jýrnalıst Janbolat Orynbekov áleýmettіk jelіdegі paraqshasynda.

Eske salaıyq, Ilııas Sarıev buǵan deıіn «Qazaqtyń Robın Gýdy» atanyp, túrlі qaıyrymdylyq jobalarymen tanylǵan edі. Alaıda sońǵy ýaqytta onyń áreketterіne qatysty syn kúsheıіp, qoǵamda úlken daý týǵyzdy.