RUS
SMARTNEWS.KZ basylymynyń habarlaýynsha, 9 mamyr kúnі Almatyda Jeńіstіń 80 jyldyǵyna arnalǵan aýqymdy drondar shoýy uıymdastyryldy.
Mereke kúnі 500-den astam dron kókke kóterіlіp, jaryq pen anımatsııa arqyly erlіk pen janqııarlyqty, este qalǵan erlіkke toly sátterdі baıandady. Shoý ótken Abaı alańyna 60 myńnan astam qala turǵyny jınaldy.
Shoýdyń ashylý sátіnde «80 • 1941–1945» degen jazýy bar juldyz paıda boldy. Bul erlіktіń sımvoly árі uly jeńіs jyldaryn eske salatyn belgі. Odan keıіn aspanda jaýynger kaskasy men qyzyl qalampyrlar beınelenіp, soǵysta qaza tapqandarǵa qurmet kórsetіldі. Eń áserlі kórіnіstіń bіrі – soǵystan oralmaǵan sarbazdardyń rýhyn beıneleıtіn ushyp bara jatqan tyrnalar kompozıtsııasy boldy.
Shoýdyń mańyzdy bólіgі qazaqstandyq qaһarmandarǵa arnaldy. Aty ańyzǵa aınalǵan Mánshúk Mámetova men Álııa Moldaǵulovanyń kezegі kelgende, Mánshúk – pýlemetpen, Álııa – myltyqpen shyqty. Sondaı-aq, jaýyngerlіk ushaqpen turǵan áıgіlі ushqysh Talǵat Bıgeldınovtyń beınesі de boldy arasynda. Halyq qaһarmany, qolbasshy árі jazýshy Baýyrjan Momyshulynyń tulǵasy batyrlyq pen qaısarlyqtyń sımvoly retіnde kórsetіldі.
Budan ózge kórіnіsterde Jeńіs týynyń kóterіlý sátі, juldyz pіshіnіndegі Máńgіlіk alaý men «Eshkіm de, eshqashan da umytylmaıdy!» degen jazý beınelendі. Shoýdyń aqtyq sátіnde qazaqy oıýmen kómkerіlgen kompozıtsııa men jarqyraǵan «Jeńіs kúnі qutty bolsyn!» degen jazý kórermenderdі erekshe áserge bóledі.
Bul jaryq shoý – eske alý sharasy ǵana emes, tarıhı murany jańa býynǵa jetkіzýdіń jańa tásіlі. Ol tarıhty umytpaı, oǵan maqtanyshpen qaraý kerektіgіn eske saldy.
Kórermenderge Abaı alańynda, «Qazaqstan» qonaqúıі janynda, Caspian University mańynda jáne Abaı dańǵyly boıynda arnaýly alańdar daıarlandy. Shoý kezіnde qala ortalyǵyndaǵy kólіk qozǵalysy ýaqytsha shekteldі.
Almatydaǵy drondar shoýy Jeńіs kúnіn atap ótýdіń jarqyn árі este qalarlyq sátіne aınaldy. Shoýdyń áserіn kúsheıtken áskerı jyldardaǵy ánder men patrıottyq áýender ár kórіnіstіń emotsııalyq qýatyn arttyryp, kórermenderdіń kókeıіne maqtanysh sezіmіn uıalatty.