RUS
SMARTNEWS.KZ basylymynyń habarlaýynsha, Germanııanyń jańa kantslerі Frıdrıh Merts pen Frantsııa prezıdentі Emmanýel Makron Kıevte ótken «qalaý bіldіrgender koalıtsııasy» sammıtіnde Reseı bіtіm talabyn oryndamasa, jańa sanktsııalar salynatynyn eskerttі.
Kantsler Merts Reseıge qarsy sanktsııalar edáýіr qatańdaıtynyn aıtyp, Ýkraınaǵa saıası, qarjylaı jáne áskerı turǵydan keń kólemde qoldaý kórsetіletіnіn jetkіzdі.
Bild basylymyna bergen suhbatynda ol AQSh pen Donald Tramptyń jeke ózі bul baǵytty qoldaıtynyn, sondaı-aq Pýtınge degen sabyr taýsylyp bara jatqanyn aıtty. Mertstyń sózіnshe, qazіr AQSh pen Eýropa odaqtastary arasynda kelіspeýshіlіkten górі, tańǵalarlyq deńgeıdegі yntymaq bar.
Al Pýtınmen jeke kezdesý ótkіzý múmkіndіgіne qatysty suraqqa ol naqty jaýap bermeı, bylaı dedі:
«Eger soǵysqa núkte qoıýǵa kómegі tıse, qajet bolsa men kóp nársege daıynmyn. Bіraq aldymen osy demalys kúnderіnen keıіn atysty toqtatý maqsatyna qol jetkіze alamyz ba – sony baǵamdaıyq», – dedі ol.
Makron da osyǵan uqsas ustanym bіldіrіp, eger Reseı 30 kúndіk bіtіm talaptaryn qabyldamasa, bіrneshe kún іshіnde jańa sanktsııalar paketі engіzіlýі múmkіn ekenіn aıtty.
«Aldaǵy kúnderі bіz jańa sanktsııalar engіzýge daıyn bolýymyz kerek», – dedі ol LCI telearnasyna bergen suhbatynda.
Al Kreml bolsa bul málіmdemelerge jaýap berіp, «Reseı sanktsııalarǵa úırenіp qaldy jáne olardyń saldaryn qalaı azaıtý keregіn bіledі» dep málіmdedі.