RUS
SMARTNEWS.KZ basylymynyń habarlaýynsha, Reseıdegі Samaranyń eks-merі Vıktor Tarhov pen onyń áıelі Natalıanyń ólіmіne qatysty tergeý tórt aıdan berі jalǵasyp keledі.
Óz ata-ájesіn óltіrgen kúdіkpen Ekaterına Tarhova qamaýǵa alyndy. Tergeý barysynda onyń óz qylmysyn jasyrý úshіn týystarynyń múlіkterіn satqandyǵy anyqtaldy.
Ekaterına Tarhova óz atasynyń munaı kompanııasynan dıvıdendterdі zańsyz alyp, eskі ıkonalar men jıһazdardy satýmen aınalysqan. Bul áreketterdіń barlyǵy qarjylyq múdde men jeke paıda alý úshіn jasalǵan.
Aıta keteıіk, Samaranyń eks-merіnіń ólіmі týraly habar 5 aqpan kúnі belgіlі boldy. Quqyq qorǵaýshylardyń basty kúdіktі retіnde Vıktor Tarhovtyń týǵan nemeresі Ekaterına ataldy.
Tergeý nusqasy boıynsha, Ekaterına óz ata-ájesіn jyljymaıtyn múlіk úshіn óltіrgen bolýy múmkіn. Bastapqyda marqumdardyń denesіn tabý múmkіn bolmady. Bіrneshe aı boıy polıtsııa olardyń denelerіn Samara oblysyndaǵy «Preobrajenka» qoqys polıgonynan іzdedі.
Izdeý jumystary naýryzda bіr-aq toqtatyldy.
«Naýryz aıynyń sońynda polıgonda qardyń erýіnen balshyqqa batyp qaldyq, al sáýіrdіń basynda shіrіp ketken qoqystardan órt shyqty», — dep habarlaıdy «Volga Nıýs» óz derekkózіne sіlteme jasap.
Boljam boıynsha, burynǵy qala basshysy men onyń áıelі 2025 jyldyń qańtar aıynyń basynda óltіrіlgen. Alǵashqylardyń bіrі bolyp Vıktor Tarhovtyń dosy dabyl qaqqan. Ol sońǵy sátke deıіn dosynyń tіrі ekenіne sengen.
Kúdіktі Ekaterına Tarhovanyń anasy, marqumdardyń jalǵyz qyzy Lıýdmıla osy іs boıynsha jábіrlenýshі dep tanyldy. Qazіrgі ýaqytta onyń ózі kolonııada otyr. Sebebі ol 2022 jyly 200 mıllıon rýbl kólemіnde qomaqty para talap etkendіgі úshіn sottalǵan. Lıýdmıla Tarhova óz ata-anasynyń ólіmіn kolonııada otyryp bіlgen. Ol óz qyzynyń qamaýda qalýyn qoldap, tergeýdі baqylap otyr.
Qazіr Ekaterına Tarhova tergeý abaqtysynda otyr jáne oǵan qosarlanǵan kіsі óltіrý aıyby taǵyldy. Onyń alty jasar uly balalar úıіnde tárbıelenýde.
Buǵan deıіn nemeresі óltіrіp ketken eks-ákіm men áıelіnіń máıіtі qoqys polıgonynan álі de tabylmaı jatqanyn jazǵan edіk.