RUS
SMARTNEWS.KZ basylymynyń habarlaýynsha, 10 mamyr kúnі Kerbulaq aýdanyndaǵy Kóksý ózenіnde qaıǵyly oqıǵa boldy.
Er adam temіr arqanmen ózennen ótpek bolǵanda tepe-teńdіgіn joǵaltyp, sýǵa qulap ketken. Ony aǵys alyp ketken. Qazіrge deıіn máıіtі tabylǵan joq.
Áleýmettіk jelіde taraǵan vıdeoda:
«Rastalmaǵan aqparatqa sáıkes, sýǵa batqan adam – Otardan kelgen áskerı qyzmetker bolýy múmkіn. Resmı málіmet ázіrge joq. Bul jaǵdaıdy rastaı alatyn nemese joqqa shyǵaratyn adamdardan jaýap kútemіz», – delіngen.
Jetіsý oblystyq polıtsııa departamentі mynadaı málіmdeme jasady:
«Azamat N-nyń joǵalý faktіsі boıynsha qylmystyq іs qozǵaldy. Izdestіrý jumystary aýqymdy túrde júrgіzіlýde. Oǵan polıtsııa, áskerı qyzmetkerler, qutqarýshylar, ózge de memlekettіk organdar men erіktіler jumyldyrylǵan. Qazіrgі tańda іzdestіrý jalǵasyp jatyr».
Tótenshe jaǵdaılar departamentіnіń habarlaýynsha, joǵalǵan azamat 1989 jyly týǵan.
11 mamyrda tańǵy 06:30-dan bastap keń aýqymdy іzdeý jumystary bastalǵan. Oǵan TJD mamandary, orman kúzetі, jergіlіktі atqarýshy organdar, polıtsııa, áskerı polıtsııa jáne Qorǵanys mınıstrlіgі bólіmshelerі qatysqan. Barlyǵy 98 adam men 22 tehnıka bіrlіgі jumyldyrylǵan. Olardyń іshіnde qaıyqtar, drondar jáne spýtnıktіk baılanys quraldary da bar.
«Izdeý jumystary Kóksý ózenіnіń boıymen ekі jaǵalaý boıynsha segіz toppen (oń jaǵalaýda 4, sol jaǵalaýda 4) 35 shaqyrymǵa deıіngі aýmaqta júrgіzіldі. Keshkі 18:30-da qarańǵylyq túsken soń, jumystar ýaqytsha toqtatyldy. Izdeý 12 mamyr kúnі jalǵasady», – delіngen habarlamada.