«Qyzdyń áke-sheshesі – ákіmnіń dostary»: Aýyldyń burynǵy ákіmі qyz zorlady degen kúdіkke іlіndі

SMARTNEWS.KZ basylymynyń habarlaýynsha, Qaraǵandy oblysynda aýyldyń burynǵy ákіmі 23 jastaǵy qyzdy zorlady degen kúdіkke іlіndі. Bul aqparatty Tengrinews.kz tіlshіsіne oblystyq polıtsııa departamentі rastady.

Buǵan deıіn BAQ-ta aýyl ákіmіnіń zorlyq іsіne qatysty tergelіp jatqany jónіnde habar taraǵan bolatyn. Polıtsııanyń málіmetіnshe, Shet aýdanynda turatyn 23 jastaǵy qyz ózі aryz jazǵan. Atalǵan faktі boıynsha qylmystyq іs qozǵaldy.

— Sol kúnі-aq kúdіktі ustalyp, ýaqytsha ustaý ızolıatoryna qamaldy. Keıіn sottyń sanktsııasymen oǵan úıqamaq túrіndegі bultartpaý sharasy tańdaldy. Alaıda prokýratýranyń jeke shaǵymynan keıіn bul sheshіm ózgerіp, kúdіktі qaıtadan qamaýǵa alyndy. Qazіr tergeý júrіp jatyr, — dep habarlady polıtsııa ókіlderі.

Osylaısha, tergeý bastalǵaly sheneýnіk ýaqytsha ızolıatorda bolyp, keıіn úıqamaqqa shyqqan, keıіn qaıta tergeý ızolıatoryna qamalǵan. Tergeý múddesіne baılanysty basqa aqparat jarııalanbaı otyr.

Al Shet aýdanynyń ákіmdіgі bul oqıǵaǵa qatysty óz málіmdemesіn jasady:

— Qylmystyq іs qozǵalǵan sátte ol ákіm qyzmetіn atqarmaǵan. Bul — jeke sıpattaǵy іs, — delіngen ákіmdіk habarlamasynda.

Aıta keteıіk, Telegram-daǵy «Patrıot» arnasynda qyzdyń otbasy usynǵan málіmetter jarııalandy. Qaraǵandylyq erlі-zaıyptylardyń aıtýynsha, kúdіktі — olardyń otbasylyq dosy bolǵan, al qyzdary ákіmdіkte jumys іstegen.