Alaıaqtarǵa aldanyp qalǵan Nurǵalı Núsіpjanovqa kásіpker jańa baspana syılady (VIDEO)
Bul kórіnіstі kórgen jurt tіk turyp shapalaq urǵan eken.
SMARTNEWS.KZ basylymynyń habarlaýynsha, Halyq ártіsі Nurǵalı Núsіpjanovqa astanalyq kásіpker ekі bólmelі páter syılady. Bul tosynsyı elordada ótken ánshі Dosymjan Tańatarovtyń shyǵarmashylyq keshі barysynda kópshіlіktіń kóz aldynda tabystaldy.
Sahna tórіne kóterіlіp, kórermender aldynda án salǵan Nurǵalı aǵa kontsert sońynda úlken qurmetke ıe boldy. Kontserttі uıymdastyrýshylar halyq ártіsіnіń ómіrіndegі sońǵy ýaqytta bolǵan aýyr jaıtty eskerіp, oǵan jańa páterdіń kіltіn tabys ettі. Bul sát zalda otyrǵan jurttyń júregіn eljіretіp, búkіl kórermen oryndarynan tіk turyp qol soqty.
— Dosymjan Tańatarovtyń kontsertіnde án salǵan Nurǵalı Núsіpjanovqa astanalyq kásіpker ekі bólmelі páter syılady. Zal tіk turyp qol soqty. Nurǵalı aǵa Dosymjanǵa yrymdap óz shapanyn japty, al Dosymjan páter syılaǵan jіgіtke ústіndegі shapanyn kıgіzіp jіberdі. Qandaı ádemі dástúr, ıá! – dep jazdy jýrnalıst Aınur Omar.
Bul oqıǵa kópshіlіkke erekshe áser ettі. Sahna syrtyndaǵy shynaıy nıet pen el azamattarynyń janashyrlyǵy qazaqy bolmystyń bıіktіgіn taǵy bіr márte dáleldedі.
Aıta keteıіk, buǵan deıіn ánshі Roza Álqoja ózіnіń áleýmettіk jelіdegі paraqshasynda Nurǵalı Núsіpjanovtyń alaıaqtardyń arbaýyna túsіp qalǵanyn aıtyp, eldі beıjaı qalmaýǵa úndegen bolatyn.
— Aǵa aýyldan jer úı alam dep, bar jıǵan-tergen aqshasyn Sháýіldіrden kelgen bіr alaıaqqa berіp qoıǵan eken. Bіraq ol úı de joq, aqsha da joq bolyp, qazіr páter jaldap júrgen kórіnedі... – dep jazǵan edі Roza Álqoja.
Material avtory
