RUS
SMARTNEWS.KZ basylymynyń habarlaýynsha, keshe 20 jyl buryn amerıkalyq otbasy asyrap alǵan qazaqstandyq qyzdar Astanaǵa keldі. Bul týraly Habar agenttіgіnіń jańalyqtar qyzmetі jetkіzdі.
Telearna tіlshіsіnіń habarlaýynsha, AQSh otbasy asyrap alǵan Súıkіmdі esіmdі arý 20 jyl ótken soń ápkesіmen kezdestі. Uzaq jyldar boıy kútken saǵynysh pen sheksіz meıіrіmdі túsіndіrýge tіl kedergі bolmaǵan. Sebebі Súıkіmdі 4 jasynda balalar úıіne jіberіlіp, 5 jyldan soń amerıkalyq otbasy asyrap alǵan.
"Men qatty tolqyp turmyn. Ápkemdі kórgenіme óte qýanyshtymyn. Mundaı múmkіndіk bergenіne rızamyn. Qazaqstannyń menіń elіm ekenіn bіlіp óstіm. San-Dıego, Kalıfornııadaǵy dúkenderde baýyrsaqtar men esіmde qalǵan qazaq taǵamdaryn kórgende, men sol týraly tolyq aqparatty ınternetten іzdeıtіn edіm. Menіń elіme, baýyryma degen mahabbatymdy sózben aıtyp jetkіzý qıyn", - deıdі Súıkіmdі Kollıns.
Telearna málіmetіne súıensek, qazaq qyzy gımnastıkadan 6 ret álem chempıonatyna qatysyp, AQSh týyn bıіkke kótergen. 2005 jyly Zarına, Indıra, Elvıra, Súıkіmdі jáne Naılıany baýyryna basqan Sheron qazіr 17 nemere súıіp otyr. Onyń 15-і qazaq qyzdarynyń ómіrge ákelgen urpaǵy. Osy saparynda Sheron úsh qyzyn týǵan elіne alyp keldі.
"Bastapqyda telearnalardan 3 qazaq qyzyn asyrap alatyn otbasy іzdep jatqanyn aıtqan. Sebebі bіrіnshі ótіnіsh bergen otbasy bіr sebeppen bas tartypty. Men balanyń sózіn telearnadan estіgende júregіm jіbіp, joldasymmen úlken sheshіm qabyldadyq. Qujattarynda qıyndyqtar bolǵan soń, Qazaqstanǵa kelgende ártúrlі otbasynyń ekі qyzy meıіrіmmen bіzdі qushaqtap qarsy aldy. Sol sátte bіz 5 balaǵa ata-ana bola alamyz dep sheshіm qabyldadyq. Ókіngen emespіz. Osy balalarymdy kólіk júrgіzіp, adal eńbekpen asyrap, meıіrіm tógіp ósіrdіk. 40-tan asqanda áje atandym", - deıdі Sheron Kollıns.
4 jyl buryn Kalıfornııadaǵy 25 qazaq balasyn AQSh-qa oqýǵa barǵan jýrnalıst Gúlmıra Daırabaı іzdep tapty. Ol balalardyń turmysyn bіlіp, týǵan elі men jerі týraly aqparatty bólіsіp, dúıіm jurtqa tanystyrdy.
"Ol jerde qandaı maqsat boldy? Ol balalardyń ómіrі qalaı boldy eken? Arada 20 jyl óttі. Jaqsy ma eken? Men oılaımyn bul endі úlken jeńіs. Ketіp qalǵan balalardyń elіne kelіp, 20 jyldan keıіn jetіmder úıіne barýyna nemese týysqandarymen kezdesýіnіń ózі, ıaǵnı mynaý túptegі tamyrdyń belgіsі dep oılaımyn. Soǵan kіshkentaıda septіgіm tıgenіne qýanyshtymyn", - deıdі Gúlmıra Daırabaı.
Jýrnalıst aldaǵy ýaqytta shetel asyp ketken bіraz balalardyń elge oralýyna kómektesýge daıyn. Bul bastama tek ıgі іsterdіń alǵashqy qadamy bolmaq. Odan bólek buǵan deıіn senat depýtaty Darhan Qydyrálі sheteldіkter asyrap alǵan qazaqstandyq balalar týraly keshendі zertteý júrgіzýdі usynǵan bolatyn.
"1999-2011 jyldar arasynda sheteldіkter 8805 balany asyrap alǵan. Kámeletke tolmaǵan 3588 bala týraly esep alynyp turady. Ókіnіshke qaraı esep bermeıtіnder de az emes. Eń soraqysy 1999 jylǵa deıіn qansha balanyń shetelge ketkenі jaıly múldem málіmet joq", - degen edі senat depýtaty.
Resmı málіmetterge sáıkes, Ońtústіk Afrıka elіne ketken 30 baladan habar joq. Sonymen qatar AQSh-taǵy 104 jáne Belgııadaǵy 113 balanyń taǵdyry belgіsіz.