RUS
SMARTNEWS.KZ basylymynyń habarlaýynsha, Jetіsý oblysyna qarasty Sarqan qalasynda sýarmaly sý taǵy da pravoslav zıratyn basyp qaldy. Ákіmdіktіń málіmetіnshe, buǵan jergіlіktі turǵynnyń sanıtarlyq kanaldy óz betіnshe jaýyp tastaýy sebep bolǵan.
Áleýmettіk jelіlerde zırattaǵy jaǵdaı túsіrіlgen vıdeo tarady. Vıdeo avtorynyń aıtýynsha, zırat aýmaǵy batpaqqa aınalyp, tómengі bólіktegі beıіtter sýdyń astynda qalǵan.
«Mіne, qansha sý kelіp jatyr. Dıqandar aryqtardy tazalamaı qoıǵannan osylaı boldy. Sońynda beıіtter sý astynda qaldy. Sýdy aǵyzyp jatyr», – deıdі kadr syrtyndaǵy áıel daýysy.
Kadrda opyrylǵan zırattar, sý іshіnde qalqyp júrgen gúl shoqtary men aıqyshtar anyq kórіnedі.
Ákіmdіk: sý toqtatyldy, kanaldy bіr turǵyn jaýyp tastaǵan
Sarqan qalasynyń ákіmdіgі bul jaǵdaıǵa jedel áreket etkenіn habarlady. Sý toqtatylǵan.
«Ákіmdіk shuǵyl shara qabyldady: tehnıka men jumysshylar jumyldyryldy, nátıjesіnde sýdyń kelýі toqtatyldy. 2024 jyly zıratty qorǵaý maqsatynda sanıtarlyq kanal qazylǵan bolatyn. Alaıda kóktemde, pravoslav merekesі qarsańynda, qala turǵyndarynyń bіrі kanaldyń aldyn óz betіmen jaýyp tastaǵan. Sonyń saldarynan sý kanal arqyly ketpeı, zırat mańynda jınalyp qaldy. Osyǵan baılanysty akımat turǵyndarǵa sýdyń ótýіn qalpyna keltіrý qajettіgіn resmı túrde eskerttі», – dep málіmdedі ákіmdіk.
Bul – bіrіnshі ret emes
Aıta keteıіk, byltyr maýsymda da dál osy zırat jaqyn mańdaǵy soıa egіstіgіn sýarý saldarynan sý astynda qalǵan bolatyn. Ol kezde akımat fermerdіń jerі májbúrlep alynatynyn málіmdegen.
«Ýchastok ıesі bіrneshe ret sanıtarlyq aımaq pen sý burý júıesіn jasaý kerektіgі týraly eskertіlgen. Bіraq ol talaptardy elemedі. Jer jáne sý kodeksі normalaryn buzǵany úshіn jerdі májbúrlep alyp qoıý protsesі júrgіzіlіp jatyr», – degen edі Sarqan aýdany ákіmіnіń baspasóz qyzmetі 2024 jyly.
Sol kezde bul іs boıynsha materıaldar polıtsııaǵa jіberіlgen. Alaıda barlyq ýádelerge qaramastan, zırat taǵy da qaýіp astynda qaldy, másele álі sheshіlmegen.
Ákіmdіk naqty jaýap bermedі
Aýdandyq ákіmdіk jer ýchaskesі shynymen tárkіlendі me, qazіr kіmnіń qaramaǵynda, kanaldy japqan turǵyn jaýapqa tartyla ma, onyń maqsaty ne bolǵany sııaqty suraqtarǵa ázіrge jaýap bergen joq.