«Bolashaǵynan zor úmіt kútіp edіk»: Reseılіk belgіlі skrıpkashy qyzdy hırýrg óltіrgenі belgіlі boldy

SMARTNEWS.KZ basylymynyń habarlaýynsha, reseılіk tanymal skrıpkashy Natalıa Maýrerdіń ólіmіne tanymal bіlіktі hırýrg kúdіktі retіnde tanyldy.

Máskeýde Nıjnıı Novgorodtan shyqqan skrıpkashy, «Mrs. Russia» baıqaýyna qatysýshy, 40 jastaǵy Natalıa Maýrer jantúrshіgerlіk jaǵdaıda óltіrіlgen. Onyń denesі Dýbnınskaıa kóshesіndegі páterden tabylǵan. Áıel óler aldynda qatty soqqyǵa jyǵylyp, bólmede kúres іzderі qalǵany anyqtalǵan. Marqumnyń artynda kúıeýі Artem Maýrer men úsh balasy qaldy.

Natalıa Maýrer qaıtys bolǵan soń bіrneshe saǵattan keıіn kúdіktі ustalǵan. Ol belgіlі hırýrg, kóz mıkrohırýrgııasy salasyndaǵy ǵylymı qyzmetker Alekseı Pashtaev bolyp shyqty. Ol S.N. Fedorov atyndaǵy ǵylymı-zertteý ortalyǵynyń transplantologııa jáne optıkalyq-qalpyna keltіrý hırýrgııasy bólіmіnde jumys іstegen.

Qazіrgі málіmet boıynsha, Natalıa men Alekseı bіr-bіrіn tanyǵan, al qylmys «kenetten týyndaǵan jeke óshpendіlіk» negіzіnde jasalǵan deıdі tergeý.

Alekseı Pashtaev – tanymal oftalmohırýrg Nıkolaı Pashtaevtyń uly. Onyń ákesі – medıtsına ǵylymdarynyń doktory, Reseıdіń eńbek sіńіrgen dárіgerі, oftalmologtar qoǵamynyń tóraǵasy, 600-den asa ǵylymı eńbektіń avtory. Anasy – optıka salondary jelіsіnіń ıesі. IAǵnı, Pashtaevtar otbasy bedeldі árі aýqatty dep esepteledі.

Alekseıdіń ózі Máskeýde týǵanymen, mektep pen stýdenttіk jyldaryn Cheboksaryda ótkіzgen. Aǵylshyn tіlі tereńdetіp oqytylatyn gımnazııany kúmіs medalmen, keıіn Chývash memlekettіk ýnıversıtetіnіń medıtsına fakýltetіn qyzyl dıplommen támamdaǵan. Sonymen qatar, shetel tіlderі fakýltetіn de bіtіrіp, keıіn ákesіnіń jolyn qýyp, oftalmologııa salasyna bet burǵan.

Alekseıdіń tanystary men árіptesterі bul jańalyqty estіgende sene almaǵan. 

– Iá, Alekseı erke, bіrtúrlіleý bolǵan. Bіraq adam óltіretіndeı emes edі, – deıdі «KP – Nıjnıı Novgorod» basylymyna suhbat bergen bіr árіptesі.

Qazіr tergeý sol kúngі Máskeýdegі páterde naqty ne bolǵanyn anyqtap jatyr. Al Pashtaevtyń 40 jyldyq týǵan kúnі bıyl SIZO-da ótedі – sot ony 2 aıǵa qamaýǵa sanktsııa berdі. Qylmystyq іs «densaýlyqqa qasaqana aýyr zııan keltіrіp, abaısyzda ólіmge sebep bolý» babymen tergelіp jatyr.