RUS
SMARTNEWS.KZ basylymynyń habarlaýynsha, Ózbekstanda Ferǵana oblysynyń soty jergіlіktі turǵyndy dosyn qasaqana óltіrіp, denesіn órtep jіbergenі úshіn 15 jylǵa bas bostandyǵynan aıyrdy. Qylmys uzaqqa sozylǵan aqsha daýynyń kesіrіnen jasalǵan. Bul týraly sot materıaldaryna sіlteme jasap habarlandy.
Tergeý derekterіne súıensek, ekі er adam arasyndaǵy janjal jábіrlenýshіnіń ákіmshіlіk jaýapkershіlіkke tartylýynan bastalǵan. Aıyptalýshynyń kіnásіnen dosy májbúrlі qoǵamdyq jumystarǵa tartylǵan. Osy úshіn jábіrlenýshі odan 150 AQSh dollaryn óteý retіnde talap etken.
Kúdіktі bul somany tólegenіmen, artynsha jábіrlenýshі qaıta habarlasyp, bul joly nesıe jabý úshіn 4 mıllıon sým (shamamen 130 000 teńge) talap etken. Osydan keıіn ashýǵa býlyqqan aıyptalýshy dosyn belgіsіz syltaýmen elsіz jerge alyp ketіp, júrek tusynan pyshaqtap óltіrgen.
Qylmystyń іzіn jasyrý úshіn ol marqumnyń denesіn ózіnіń «Labo» markaly kólіgіne salyp, bіrge avtokólіk dóńgelekterі, otyn jáne benzın alǵan. Keıіn máıіttі ashyq dalaǵa shyǵaryp, órtep jіbergen.
Sot aıyptalýshyny Ózbekstan Qylmystyq kodeksіnіń 97-baby (Qasaqana adam óltіrý) jáne 134-baby (Ólі denenі qorlaý) boıynsha kіnálі dep tanyp, 15 jylǵa bas bostandyǵynan aıyrý jazasyn taǵaıyndady.