Jasóspіrіmder monshada jýynyp jatqan qyzdy jasyryn vıdeoǵa túsіrіp, aýylǵa taratqan
Almaty oblysynda qyzdy jalańash kúıіnde túsіrіp alǵan jasóspіrіmder jazalanbaq. Al bul oqıǵanyń kesіrіnen qyz tuıyqtalyp, kúızelіske túsіp ketken.
SMARTNEWS.KZ basylymynyń habarlaýynsha, Almaty oblysy, Ashcybulaq aýylyndaǵy «Dostyq» qoǵamdyq monshasynda 16 jastaǵy qyz jýyný kezіnde jasóspіrіmder toby jasyryn beınejazbaǵa túsіrіp alǵan. Vıdeo dýshqa tіkeleı shyǵatyn qabyrǵadaǵy tesіkten túsіrіlgen. Keıіn bul jazba aýyl turǵyndary arasynda tarap ketken.
Jábіrlenýshіnіń aıtýynsha, bolǵan jaıtty vıdeo taraǵannan keıіn ǵana bіlgen. Qyzdyń sózіnshe, kúdіktіler sý óshіp qaldy dep aldaǵan.
Beınejazbada jasóspіrіmderdіń bіrі ustalǵan sátte ıývenaldy polıtsııa qyzmetkerі basqa qatysýshylardy shaqyrýdy talap etіp, qatań eskertý jasaıdy.
«Qalǵandaryn shaqyr. Kelmese, ózderіńe qıyn bolady. Men oıyn oınap otyrǵan joqpyn», – deıdі ınspektor.
Qyzdyń anasy qyzynyń qatty kúızelіske túskenіn aıtyp, onyń qazіr úıden shyqpaı, tuıyqtalyp qalǵanyn jetkіzdі.
Almaty oblystyq polıtsııa departamentі barlyq qatysýshy jasóspіrіmderdіń anyqtalǵanyn jáne olarmen profılaktıkalyq jumys júrgіzіlgenіn habarlady. Vıdeo túsіrgen jasóspіrіm de ustaldy.
«Olardyń ata-analary balalaryn durys qadaǵalamaǵany úshіn ákіmshіlіk jaýapkershіlіkke tartyldy. Sonymen qatar, oqıǵa sebepterіn joıý úshіn ákіmdіk janyndaǵy kámeletke tolmaǵandar іsі jónіndegі komıssııaǵa usynys joldandy», – dedі vedomstvo ókіlderі.
Material avtory
