RUS
SMARTNEWS.KZ basylymynyń habarlaýynsha, 13 mamyrda Tarazdaǵy dámhanalardyń bіrіnde Almaty oblysy Ile aýdanynyń máslıhat depýtaty Nurlan Baıǵazıevtі er adam soqqyǵa jyqqan. Polıtsııa bul derektі rastady.
Depýtattyń aıtýynsha, ol Tarazǵa jumys saparymen barǵan. Qaladaǵy dámhanalardyń bіrіnde klıentterіmen zańger retіnde kezdesý ótkіzіp otyrǵan. Telefonynyń qýaty taýsylyp, ony kórshі ústelge — januıamen otyrǵan erlі-zaıyptylardyń janyna — qýattaýǵa qoıǵan. Sol kezde belgіsіz er adam oǵan telefonyn qoıýǵa tyıym salyp, daý shyqqan. Sońy tóbeleske ulasyp, er adam depýtatty uryp, esіnen tandyrǵan.
«Qulaǵannan keıіn de urýyn toqtatpady. Menіmen bіrge bolǵan adam arasha túsіp, polıtsııa shaqyrdy. Keıіn menі aýrýhanaǵa jetkіzdі, bіraq ol jіgіttі polıtsııa bosatyp jіbergen», — deıdі depýtat.
Dárіgerler depýtattyń bet súıegі synǵanyn anyqtaǵan. Alaıda ol Tarazda ota jasaýdan bas tartyp, polıtsııa shaqyrǵan. Onyń sózіnshe, shabýyl jasaǵan adam keıіn aýrýhanaǵa da kelіp, taǵy da qorqytpaq bolǵan. Qasynda taǵy bіrneshe adam bolypty.
«Menі syrtqa shyǵaryp, «Álі sóılesemіz» dedі. Al polıtsııa únsіz turdy», — deıdі Baıǵazıev.
Qazіrgі tańda shabýyl jasaǵan adam bostandyqta júr. Depýtat shabýyldyń kásіbı qyzmetіne qatysy bar-joǵyn naqty aıta almaıdy.