RUS
«Memlekettіk qyzmet kórsetý sapasyn baqylaýdy qamtamasyz etý maqsatynda 756 tekserіs júrgіzіldі. Nátıjesіnde 46 myńǵa jýyq zań buzýshylyq anyqtaldy. Tekserý qorytyndysy boıynsha 602 memlekettіk qyzmet kórsetýshі tártіptіk jaýapkershіlіkke jáne 305 laýazymdy tulǵa ákіmshіlіk jaýapkershіlіkke tartyldy», - dedі Salaýat Múksіmov Ortalyq kommýnıkatsııalar qyzmetі alańynda ótken baspasóz máslıhatynda.
Spıkerdіń málіmdeýіnshe, quzyrly organdarǵa memlekettіk qyzmet kórsetý sapasyn arttyrýǵa baǵyttalǵan 1 myńnan astam usynys joldandy. Sonymen qatar, TSıfrlyq damý mınıstrlіgі anyqtalǵan kemshіlіkterdі joıý jónіndegі keshendі jospardy bekіttі.
«Memlekettіk qyzmetterdі proaktıvtі túrde usyný jáne klıenttіń qyzmet alý quqyǵyn qalpyna keltіrýge erekshe nazar aýdarylady. Sonymen qatar, monıtorıng nátıjesіnde qyzmet kórsetýden negіzsіz bas tartý jáne onyń sebepterіn tolyq kórsetpeý faktіlerі anyqtaldy. Osylaısha, 124 memlekettіk qyzmet alýshynyń quqyqtary qalpyna keltіrіldі», - deıdі agenttіk basshysynyń orynbasary.
Buǵan deıіn S. Múksіmov agenttіk atynan HQO-da tehnıkalyq aqaý týyndaǵanda azamattardy kúttіrіp qoımaýdyń jolyn qarastyrýdy usyndy.
Sondaı-aq, memlekettіk qyzmet alýda aıyppuldyń kedergі bolmaýy kerektіgі aıtyldy.