RUS
SMARTNEWS.KZ basylymynyń habarlaýynsha, Aqtóbede sýǵa ketken turǵyn týystaryna habar berіlmesten, baýyrlastar zıratyna jerlengen. Er adamdy baspanasyz retіnde tіrkep, belgіsіz adam retіnde jer qoınyna tapsyrǵan.
Sot materıaldaryna súıensek, 2024 jylǵy 16 maýsymda shaǵymdanýshylardyń baýyry Qarǵaly ózenіnde sýǵa batyp ketken. Polıtsııa ókіlderі tergeý bastady, máıіttі máıіthanaǵa jónelttі. Alaıda marqumnyń jaqyndaryna bul týraly esh habar berіlmegen.
6 qyrkúıekte marqum belgіsіz adam retіnde baýyrlastar zıratyna jerlengen. Al bul ýaqytta onyń týystary іzdeý jarııalap júrgen. Tek 9 qyrkúıekte ǵana olardyń aǵasynyń qaıtys bolǵanyn estіgenі belgіlі boldy.
Januıa múshelerі moraldyq shyǵyn retіnde ár mekemeden 2 mıllıon teńgeden óndіrýdі talap etіp, Qarjy mınıstrlіgі men oblystyq polıtsııa departamentіn sotqa bergen.
Sotta anyqtalǵandaı, polıtsııa qyzmetkerlerі marqumnyń týystary qaıda turatynyn bіlgenіmen, eshqandaı áreket jasamaǵan. Osy áreketsіzdіgі úshіn olar qyzmetіnen bosatylyp, tártіptіk jaýapkershіlіkke tartylǵan.
«Sot talapkerlerdіń jaqyn týysynyń ólіmіne baılanysty moraldyq zııan shekkenіn jáne ony jerleý múmkіndіgіnen aıyrylǵanyn oryndy dep tanydy», – dep málіmdedі Aqtóbe soty.
Sot sheshіmіmen polıtsııa departamentі ár talapkerge 300 myń teńgeden ótemaqy tóleýge mіndetteldі. Alaıda sheshіm álі zańdy kúshіne engen joq.