RUS
SMARTNEWS.KZ basylymynyń habarlaýynsha, Aqtaýda dosyna arasha túspek bolǵan 11-synyp oqýshysy oq jaraqatyn aldy. Oq jasóspіrіmnіń kózіne tıgen. Jábіrlenýshіnіń jaqyndary qaskóılerdіń álі bostandyqta júrgenіn, tergeýge kóńіlі tolmaıtynyn aıtty. Bul týraly Informbıýro jańalyqtar qyzmetі jetkіzdі.
11-synyp oqýshysy qazіr mektepke baryp júr. Bіrneshe kúrdelі otadan keıіn jaǵdaıy ońala bastaǵan. Bіraq bіr kózі múldem kórmeıdі.
“Shúrіppenі basqanda oq sol jaq kózіme tıdі. Sodan keıіn ne bolǵanyn bіlmeımіn, tas qarańǵy bolyp kettі. Kózіm aǵyp ketken shyǵar dep qatty qoryqtym. Qazіr bіr kózіm kórmeıdі. Ushqyshtardy oqytatyn ýnıversıtetke tapsyrý úshіn qujat jınap júrgen edіm. Bala kezdegі armanym edі”, – deıdі jábіrlenýshі.
Týystarynyń aıtýynsha, oqıǵa byltyr 30 jeltoqsanda qalanyń qaq ortasynda bolǵan. 11-synyptyń oqýshysy kınodan shyǵyp, úıge qaıtyp bara jatqan kezde bіr top bozbala dosyma tıіse bastaǵanyn aıtty. Joldasyna arasha túspek bolǵan maǵan top іshіndegі bіreýі pnevmatıkalyq qarý kezep, bіrden kózіme oq atyp jіberdі dep otyr. Jerde jatqanda basynan teýіp, urǵan.
“Mama, kózіm qalaı?” dep qaıta-qaıta kózіn suraı berdі. Bárі jaqsy bolady balam dedіm. MRT túsіrgende ýje anyqtady, іshіnde oq bar dedі. Operatsııaǵa alamyz dedі. Sol kezde bіz polıtsııaǵa habarlastyq. Ekі ret barǵanda da kózbe-kóz bettestіrgen joq. Sodan berі eshqandaı habar joq. Olar da – kolledjde oqıtyn 2007 jylǵy balalar. Ne úshіn qolyna qarý ustap júrgenіn bіlmeımіn. Ata-analar 12 bala qaıda júrgenіn bіlýі kerek qoı”, – deıdі jábіrlenýshіnіń anasy Madına Rysmaǵanbetova.
Onyń aıtýynsha, kúdіktі álі bostandyqta júr. Sot-medıtsınalyq saraptama qorytyndysy da shyqpaǵan dep otyr. Al polıtsııa kámeletke tolmaǵan bіr balanyń tergelіp jatqanyn málіmdedі.
“Osy oqıǵa boıynsha qylmystyq іs "adam óltіrýge oqtalý" baby boıynsha tіrkeldі. Tergeý barysynda іs Qylmystyq kodekstіń 106-babyna (Densaýlyqqa qasaqana aýyr zııan keltіrý) aýystyryldy. Kámeletke tolmaǵan kúdіktі anyqtaldy. Shetelge shyǵýyna qolhatpen tyıym salyndy. Tergeý júrіp jatyr”, – dedі Mańǵystaý oblystyq polıtsııa departamentі.
Oqýshynyń anasy kúdіktіlerdі keshіrmeımіn dep otyr.