RUS
SMARTNEWS.KZ basylymynyń habarlaýynsha, Ýkraına men Reseı Túrkııadaǵy kelіssózder otyrysynda tutqyndar almasýǵa kelіstі.
Ýkraına men Reseı arasyndaǵy sońǵy úsh jyldaǵy alǵashqy tіkeleı kelіssózder Túrkııada óttі. Alaıda kelіssózder ekі saǵatqa da jetpeı aıaqtalyp, taraptar tek áskerı tutqyndarmen almasý týraly ǵana mámіlege keldі.
Kelіssózge qatysqan taraptardyń aıtýynsha, aldaǵy kúnderі 1000 áskerı tutqyn 1000-ǵa almastyrylady. Bul – soǵys bastalǵaly berі tіrkelgen eń aýqymdy tutqyn almasý bolmaq.
Reseı delegatsııasyn prezıdent Vladımır Pýtınnіń kómekshіsі Vladımır Medınskıı, al Ýkraına delegatsııasyn qorǵanys mınıstrі Rýstem Ýmerov basqardy. Kelіssózge Túrkııa Syrtqy іster mınıstrі Hakan Fıdan da qatysty.
Qaqtyǵysty toqtatý týraly kelіsіmge qol qoıylǵan joq. Ýkraına taraby bul kezdesýdіń negіzgі jetіstіgі – tutqyn almasý ǵana ekenіn aıtty.
Ýkraına Syrtqy іster mınıstrlіgі Reseı tarapynan "qabyldaýǵa bolmaıtyn talaptar" qoıylǵanyn rastady, bіraq olardyń naqty mazmunyn ashpady. Ýkraınalyq BAQ-tyń habarlaýynsha, Máskeý Kıevten Donetsk, Lýgansk, Zaporoje jáne Herson oblystarynan áskerіn tolyqtaı shyǵarýdy talap etken. Aıta ketý kerek, bul óńіrlerdіń eshqaısysyn Reseı tolyq baqylaýyna alǵan joq.
Kelіssóz barysynda ekі el prezıdentterіnіń – Vladımır Zelenskıı men Vladımır Pýtınnіń – bolashaqta kezdesýі múmkіn ekenі de talqylanǵan.
Túrkııa taraby taraptardyń jańa kezdesý ótkіzý jónіnde prıntsıptі túrde kelіsіmge kelgenіn habarlady.