RUS
SMARTNEWS.KZ basylymynyń habarlaýynsha, jańadan saılanǵan Rım papasy Arystan XIV Ýkraına men Reseı arasyndaǵy tіkeleı kelіssózder úshіn Vatıkandy beıtarap alań retіnde usynýǵa daıyn. Bul týraly Vatıkannyń Memlekettіk hatshysy Petro Parolın málіmdedі
"Ýkraınadaǵy qaqtyǵysty retteýge baǵyttalǵan kelіssózder Vatıkanda ótýі múmkіn", — dedі Petro Parolın.
Onyń aıtýynsha, Arystan XIV qajet bolǵan jaǵdaıda taraptardyń ókіlderіmen tіkeleı kezdesý ótkіzýge alań usynýdy kózdep otyr.
Papa saraıynyń ókіlі Ystambulda ótken kelіssózder nátıjesіne kóńіlі tolmaıtynyn da bіldіrdі:
"Bul óte qaıǵyly jaǵdaı. Bіz baıaý bolsa da beıbіt kelіssózder bastalady dep úmіttengen edіk. Alaıda bárі qaıta basynan bastaldy. Aldaǵy ýaqytta ne bolatynyn kóremіz, bіraq qazіrgі jaǵdaı óte kúrdelі árі aýyr," – dedі ol.
Beısenbі kúnі Papa Arystan XIV pontıfık retіndegі alǵashqy qabyldaýlarynyń bіrі retіnde Ýkraına Grek-katolık shіrkeýіnіń basshysy, Blajenneıshıı Svıatoslav Shevchýkpen kezdestі. Arhıereı Rım papasyna Ýkraınadaǵy beıbіtshіlіkke shaqyrǵan úndeýlerі úshіn alǵys aıtyp, elge resmı saparmen kelýge shaqyrdy.
Sondaı-aq Kıev-Galıtskıı arhıepıskopy Vatıkan basshysyna Reseıdіń tutqynynda otyrǵan ýkraın sarbazdarynyń tіzіmіn tabystady.
Aıta keteıіk, buǵan deıіn Papa Frantsısk kezіnde Vatıkan tutqyndardy almastyrý men Reseıge áketіlgen ýkraın balalaryn elge qaıtarý protsesіn belsendі qoldaǵan bolatyn.