Reseıge áskerı shlemderdі zańsyz áketpek bolǵan kúdіktі ustaldy
«Qaıraq» avtomobıl ótkіzý pýnktі arqyly Reseıge áskerı shlemder men taktıkalyq rıýkzaktardy alyp ótpek bolǵan kólіk júrgіzýshіsі ustaldy. Bul týraly Qostanaı oblystyq Memlekettіk kіrіster departamentіnіń baspasóz qyzmetіnen málіm ettі, dep habarlaıdy smartnews.kz saıty.
«Qostanaı oblystyq Memlekettіk kіrіster departamentі men UQK Shekara qyzmetіnіń bіrlesken áreketіmen «Gazel» markaly kólіktіń júk bólіgіnen áskerı shlemder men taktıkalyq rıýkzaktar tabyldy. Tasymaldaý muqaba taýarlaryn qoldana otyryp júzege asyrylǵan. Taýarlarǵa іlespe qujattamada taýarlar týraly málіmetter joq. Júgі bar kólіk ótkіzý pýnktіnіń aýmaǵynda bolady. Taýarlardyń shyǵý tegіn jáne áketýge qatysy bar tulǵalardy anyqtaý boıynsha sharalar qabyldanady», - dep málіm ettі quzyrly organnyń baspasóz qyzmetіnen.
Departament deregіnshe, mán-jaılar anyqtalǵan soń, bul áreketke qatysy bar adamdar jaýapqa tartylyp, júk memleket paıdasyna tárkіlenedі.