RUS
SMARTNEWS.KZ basylymynyń habarlaýynsha, Qaraǵandy turǵyny ruqsatsyz mıtıngke úgіt júrgіzgenі úshіn 15 táýlіkke qamaldy. Bul týraly qalalyq ákіmshіlіk quqyqbuzýshylyqtar jónіndegі mamandandyrylǵan aýdanaralyq sottyń baspasóz qyzmetі habarlady.
Sot deregіnshe, azamat J. 2025 jyldyń 21 mamyry kúnі saǵat 16:50 shamasynda WhatsApp messendjerі arqyly 30 mamyrǵa josparlanǵan sanktsııalanbaǵan mıtıng týraly aqparat taratyp, jurtty oǵan qatysýǵa ashyq shaqyrǵan. Belgіlengen tártіpke saı, bul mıtıngke jergіlіktі atqarýshy organnan resmı ruqsat alynbaǵan.
Atalǵan іs-shara saıası qýǵyn-súrgіn qurbandaryn eske alýǵa arnalǵan bolatyn. Alaıda úgіt-nasıhat zańda belgіlengen merzіmnen tys júrgіzіlgen jáne resmı kelіsіmsіz júzege asqan.
Sot azamat J.-ny QR ÁQBtK 488-babynyń 7-bólіgі boıynsha ("Beıbіt jınalystardy uıymdastyrý jáne ótkіzý tártіbіn buzý") kіnálі dep tanyp, oǵan 15 táýlіkke ákіmshіlіk qamaý jazasyn taǵaıyndady.
Sot sheshіmіnde J.-nyń buryn da osyǵan uqsas quqyqbuzýshylyq jasaǵany atap ótіlgen.
Quzyrly organ beıbіt jınalys ótkіzý Qazaqstan Respýblıkasynyń zańnamasynda naqty rettelgenіn eskertіp, belgіlengen tártіptі buzý ákіmshіlіk nemese, keıbіr jaǵdaıda, qylmystyq jaýapkershіlіkke ákeletіnіn eske saldy.