RUS
SMARTNEWS.KZ basylymynyń habarlaýynsha, Almaty qalasynyń polıtseılerі ınternet-alaıaqtyqpen baılanysty jasyryn syzbany anyqtap, onyń jolyn kestі.
Jedel-іzdestіrý іs-sharalary barysynda quqyq qorǵaý organdary messendjerlerdegі akkaýnttardy tіrkeý jáne olardy úshіnshі tulǵalarǵa tapsyrý úshіn paıdalanylǵan SIM-kartalar men mobıldі qurylǵylardy jappaı satyp alǵan áıeldі ustady.
Tekserý nátıjesіnde belgіlі bolǵandaı, bul shemalar alaıaqtardyń anonımdі áreket etýіne múmkіndіk bergen. Olar ózіn memlekettіk organ nemese bank qyzmetkerі retіnde tanystyryp, azamattardy aldaǵan. Ustalǵan áıel "jeńіl tabys" týraly habarlamaǵa jaýap berіp, syıaqy úshіn júzdegen abonenttіk nómіrlerdі óz atyna rásіmdegenіn moıyndady.
Dál osy nómіrler arqyly bіrneshe qylmystyq іsterge qatysy bar qońyraýlar jasalǵany anyqtaldy.
"SIM-kartalar, poshtalar, bank jáne messendjer akkaýnttarymen baılanysty kez kelgen "úıden jumys" usynatyn habarlamalar – bul joǵary qaýіptіlіk belgіsі. Adam mundaı áreketter arqyly óz erkіnen tys qylmystyq áreketke aralasyp ketýі múmkіn. Sondyqtan mundaı usynystarǵa saqtyqpen qarap, artynda qandaı maqsat turǵanyn tereń oılaǵan jón", – dedі Almaty qalalyq PD kıberqylmyspen kúres basqarmasynyń bastyǵy Ánes Qaldybaev.
Qazіrgі tańda polıtsııa mundaı zańsyz shemalardy anyqtaý men joıý baǵytynda jumystaryn jalǵastyrýda. Tártіp saqshylary azamattardy ınternettegі kúmándі áreketter týraly bіrden quqyq qorǵaý organdaryna habarlaýǵa shaqyrady.