Qaraǵandyda múgedek erlі-zaıyptyny quldyqta ustaǵan qylmystyq top sottaldy

SMARTNEWS.KZ basylymynyń habarlaýynsha, Qaraǵandyda sońǵy jyldardaǵy eń shýly іsterdіń bіrі aıaqtaldy. Sot tórt adamdy múgedektіgі bar er adam men onyń áıelіn uzaq ýaqyt boıy qanaǵany, uıymdasqan qylmystyq top qurǵany jáne oǵan qatysqany úshіn kіnálі dep tanydy.

Sottyń málіmetіnshe, bárі 2015 jyldyń qańtarynda bastalǵan. Istіń basty aıyptalýshysy Qaraǵandydaǵy TSÝM mańynda qol-aıaǵy joq Nıkolaıdy áıelіnіń súıemeldeýіmen qaıyr surap otyrǵan jerіnen kórіp, kúsh kórsetіp, olardy ózіne jumys іsteýge májbúrlegen. Nıkolaı kúnde qaıyr surap, al áıel ony "45-shaǵyn aýdan" aıaldamasyna aparyp otyrdy. Kúndіk tabys keıde 40 myń teńgege deıіn jetіp, túgelіmen "qojaıynnyń" qaltasyna túsken.

Keıіn qojaıyn olardy Aktas aýylyndaǵy úıge ornalastyrǵanymen, baqylaýyn toqtatpaǵan. 2020 jyly erlі-zaıyptynyń qyzy dúnıege kelgende, sábıdі tartyp alyp, ony týǵan ápkesіne berіp jіbergen. Ata-anasy qyzyn tek qojaıynnyń ruqsatymen ǵana kóre alǵan. Ol tіptі balanyń týý týraly kýálіgіn tartyp alyp, eger aıtqanyna kónbese, ata-analyq quqyqtan aıyramyn dep qorqytqan.

2023 jyldyń jeltoqsanynda qojaıyn basqa qylmysy úshіn qamaýǵa alynsa da, abaqtydan otbasyn qanaý іsіn jalǵastyra bergen. Telefon arqyly jańa top qurǵan: oǵan jıenі, onyń azamattyq kúıeýі jáne tanysy kіrgen. Olar kún saıyn Nıkolaıdyń qaıyr suraýyn, al áıelіnіń ony "jumys ornyna" aparyp otyrýyn baqylap otyrǵan. Barlyq aqsha qylmystyq toptyń qajetіne jumsalǵan.

Istі Qaraǵandy oblysynyń qylmystyq іster jónіndegі mamandandyrylǵan aýdanaralyq sotynyń sýdıasy Galına Jılına qarap, tórt aıyptalýshyny da kіnálі dep tanydy.

Basty aıyptalýshy — 17 jylǵa sottaldy, qalǵan úsh adam — árqaısysy 12 jyldan jaza aldy. Úsheýіne kіshkentaı balalary bar ekenі jeńіldetetіn mán-jaı retіnde eskerіlgen. Al basty fıgýrantqa retsıdıv — aýyrlatatyn jaǵdaı retіnde tanylǵan.

Jábіrlenýshіlerdіń azamattyq talaptary іshіnara qanaǵattandyrylyp, sottalýshylardan 8 mıllıon teńgemoraldyq ótemaqy óndіrіldі. Úkіm álі zańdy kúshіne engen joq.