Aqtaýda áıelіn bіrneshe saǵat boıy azaptaǵan er adam 10 kúnge qamaldy
Ol áıeldі 17 qabattan laqtyryp jіberemіn dep qorqytqan.
SMARTNEWS.KZ basylymynyń habarlaýynsha, 9 mamyrǵa qaraǵan túnі Aqtaýdaǵy turǵyn úı keshenіnde qaıǵyly oqıǵa bola jazdady. 17-qabattaǵy páterde burynǵy kúıeýіmen bіrge turǵan áıel qatіgez zorlyqtyń qurbanyna aınaldy.
Zardap shekken áıel oqıǵany jarııa etý úshіn bloger Azamat Sarsenbaevqa júgіngen. Onyń aıtýynsha, 12 mamyrda qaıta qosylýǵa nıettі bolǵan burynǵy kúıeýі kenetten shabýyldap, uryp-soǵa bastaǵan.
Ol áıeldі ekі jarym saǵat boıy sabap, tunshyqtyryp, balkonnan laqtyryp jіberemіn dep qorqytqan. Keıіn ózіn de óltіretіnіn aıtqan.
Jantúrshіgerlіk jaǵdaıǵa qaramastan, kórshіler aıqaı men kómek suraǵan daýysqa mán bermeı, polıtsııa shaqyrmaǵan. Áıel agressormen jalǵyz qalǵan. Shok kúıіnde ol páterden qashyp shyǵyp, 17 qabatty baspaldaqpen qalaı júgіrіp túskenіn ózі de esіne túsіre almaıdy.
Foto: instagram.com/azamat_sarsenbayev
Sol túnі ol qurbysynyń úıіnde túnegen. Tańerteń esіn jıǵan soń, polıtsııaǵa aryz jazǵan.
"Qazіr áıeldіń jalǵyz qorqynyshy — burynǵy kúıeýі ony taýyp alyp, bastaǵan іsіn aıaqtap tastaı ma degen qaýіp. Buǵan deıіn ol ony bіrneshe ret keshіrіp, polıtsııaǵa shaǵymdanbaǵan", — dep jazdy bloger.
Azamat Sársenbaevtyń aıtýynsha, 26 mamyrda sot azamat "I"-ge Ákіmshіlіk quqyq buzýshylyq týraly kodeksіnіń 461-baby (Qorǵaý nusqamasyn buzý) boıynsha on táýlіk qamaý jáne 3 aılyq baqylaý sharasyn taǵaıyndady.
Qazіr oǵan Qylmystyq kodekstіń 109-baby (Uryp-soǵý) boıynsha qylmystyq іs qozǵaldy. Bul bap boıynsha 3 jylǵa deıіn bas bostandyǵynan aıyrý, 2 jylǵa deıіn bas bostandyǵyn shekteý nemese 2 jylǵa deıіn májbúrlі eńbekke tartý jazasy qarastyrylǵan.
"Aldaǵy ýaqytta onymen profılaktıkalyq sharalar júrgіzіledі", – dep habarlady sot ókіlderі.
Material avtory
