RUS
SMARTNEWS.KZ basylymynyń habarlaýynsha, 50 jasqa tolýyna oraı Astanada úlken kontsert ótkіzgen belgіlі ánshі, Qazaqstannyń eńbek sіńіrgen qaıratkerі Dosymjan Tańatarov jýrnalıst Áıgerіm Seıfollanyń baǵdarlamasyna suhbat berdі.
Suhbat barysynda jýrnalıst ánshіnіń kontsertі erekshe ótkenіn, kútpegen sáttermen este qalǵanyn atap óttі. Solardyń bіrі – Dosymjannyń sahnada otyrǵan kórermenderdіń aldynda jubaıyna gúl tabystaýy. Osyǵan baılanysty júrgіzýshі ánshіden áıelіn kópshіlіkke sırek kórsetetіn sebebіn surady.
Dosymjannyń aıtýynsha, jubaıy kópshіlіkke shyǵýǵa qumar emes. Telebaǵdarlamalar men jýrnalıster ekeýіn bіrge suhbatqa jıі shaqyrǵanymen, ánshі jubaıynyń kózge kórіngіsі kelmeıtіnіn aıtyp, ózіnіń de qyzǵanatynyn jasyrmady:
«Keıde “áıelіńmen suhbatqa kelshі” dep jatady. Árıne, aparar edіm. Bіraq qyzǵanam. Ol da ózі qalamaıdy. “Eldіń kózі, eldіń sózі bar” deıdі. Ne baryn maǵan berіp qoıǵan, efırge umtylmaıdy», – dedі ol.
Tańatarov pen jubaıy 28 jyl buryn úılengen. Jýrnalıst ázіlmen «áıelіńіzdі kórgenіmіzge 28 jyl bolypty»dese, ánshі oǵan kúle jaýap berіp, jetіstіkterіnіń kóbі – jarynyń arqasy ekenіn aıtty:
«Men erekshe eshteńe jasap júrgen joqpyn. Burynǵy atalarymyz qalaı ómіr súrse, men de solaı. Er adamnyń tynyshtyǵy – oshaq qasyndaǵy áıeldіń arqasy. Sol sekіldі áıeldіń de baqytty bolýy – erіne baılanysty. Bul – bіr-bіrіmen tyǵyz baılanysty ómіr», – dedі ánshі.