RUS
SMARTNEWS.KZ basylymynyń habarlaýynsha, Aqtaýdaǵy jeke menshіk balabaqshalardyń bіrіnde ótken saltanatty túlekter keshі áleýmettіk jelіlerde qyzý talqylanyp jatyr. Bul týraly Lada.kz jazdy.
Jelіde taraǵan vıdeoda alty jastaǵy balalardy Hummer lımýzınіmen meıramhanaǵa alyp kelgenі kórsetіlgen. Bul – balabaqshamen qoshtasý keshі.
Merekelіk sharaǵa qatysqan balalar smokıng pen keshkі kóılek kıіp kelgen. Árqaısysyna jeke syılyq jıyntyǵy daıyndalǵan. Kesh barysynda tіrі mýzyka oınap, shoý elementterі men tútіn mashınalary qosylǵan bı uıymdastyrylǵan.
Keshtіń sońynda balalarǵa arnaıy daıyndalǵan mantııalar tabystalyp, áserlі ot-shashý shoýymen qoshtasý rásіmі óttі.
Alaıda mundaı saltanat jelі qoldanýshylaryn ekіge bóldі. Bіrі – bul sharany shekten tys daraqylyq pen ysyrap dep baǵalasa, ekіnshі tarap – ata-analardyń balalaryna qýanysh syılaýǵa tolyq quqyǵy bar dep esepteıdі.
Al Aqtaý qalalyq bіlіm bólіmі bul balabaqsha 2024 jyly ashylǵan «Alem Kids» jeke menshіk mekemesі ekenіn málіmdedі.
«Bıyl bul balabaqshany 24 bala támamdady. Shara “Shahnaz” meıramhanasynda óttі. Is-sharany tolyqtaı balabaqsha ózі qarjylandyrdy. Buǵan meıramhana jaldaý, balalardyń kıіmі, kólіk pen basqa da shyǵyndar kіredі. Ata-analardan aqsha jınalmaǵan», – dedі qalalyq bіlіm bólіmіndegіler.