Túrkіstanda 12 jastaǵy oqýshyny synyptasy qylqyndyryp óltіrgen

SMARTNEWS.KZ basylymynyń habarlaýynsha, Túrkіstan oblysynda 12 jastaǵy Ulaǵat Saıdullany synyptasy qylqyndyryp óltіrgen. Qaıǵyly jaǵdaı sabaq kezіnde mektep іshіnde bolǵan.

Marqumnyń anasy Gúlmıra Kósheevanyń aıtýynsha, balalar muǵalіmnіń qaraýynsyz qalyp, telefon úshіn janjal kezіnde bіrі ekіnshіsіn tunshyqtyrǵan. Oqýshy esіnen tanyp qulaǵan soń, synyptastary sý shashyp, qoldan kelgenіnshe kómek kórsetýge tyrysqan. Bіraq muǵalіmder kelgenshe bala kóz jumǵan.

— Qasyndaǵy bala telefon alyp barǵan. Bul tartyp alǵan. Artynan qýyp kelіp, partada otyrǵan jerіnen qylqyndyrypty. Eshkіm arasha bolmaǵan. Muǵalіm joq. Oqýshylar medbıkenі de shaqyrmaǵan, ózderі sý shashyp álek bolǵan, — deıdі Gúlmıra Kósheeva.

Oqıǵa 7 aqpan kúnі bolǵan. Anasy ulyn mektepke aman-saý jіbergenіmen, bіrneshe saǵattan keıіn mektepke shaqyrtylyp, ulyn es-tússіz kúıde kórgen. Ulaǵat sol jerde jan tapsyrǵan.

Anasynyń aıtýynsha, pán muǵalіmі — mektep dırektorynyń orynbasary — oqýshylarmen bіrge bolmaı, jeke kabınetіnde otyrǵan. Synyp jetekshіsі mektepte bolmaǵan, al kezekshі muǵalіm balalardyń aıqaıyn estı tura, esіktі jaýyp ketіp qalǵan.

— Muǵalіmder “balada júrek aýrýy bolǵan, epılepsııasy bar” dedі. Bіraq saraptama nátıjesі balanyń densaýlyǵynda esh kіnárat bolmaǵanyn kórsettі. Resmı qorytyndy — qylqyndyrý. Tіlі jutylyp, demі toqtaǵan, — deıdі anasy.

Oqıǵadan soń mektep dırektory, onyń orynbasary jáne taǵy tórt muǵalіm qyzmetіnen bosatylǵan. Alaıda olar qaıta jumysqa ornalasý úshіn eńbek ınspektsııasyna shaǵym túsіrgen.

— Eńbektі qorǵaý ınspektsııasy sheshіmnіń zańdylyǵyn tekserіp jatyr. Bіzge berіlgen nusqamada buıryqtardaǵy baptar durys kórsetіlmegenі jazylǵan, — dedі A.Orazbaeva atyndaǵy mektep dırektory Ómіrserіk Kenjeev.

Polıtsııa bul oqıǵaǵa qatysty ázіrge túsіnіkteme bermegen. Belgіlіsі, qaıtys bolǵan balanyń synyptasyn kіnálі dep tanyp, onyń ata-anasyna aıyppul salynǵan.