RUS
SMARTNEWS.KZ basylymynyń habarlaýynsha, Frantsııada burynǵy hırýrg Joel Le Skýarnek 299 balaǵa seksýaldyq zorlyq kórsetkenі úshіn 20 jylǵa bas bostandyǵynan aıyryldy. Bul el tarıhyndaǵy kámeletke tolmaǵandarǵa qarsy jasalǵan eń іrі zorlyq іsі retіnde tіrkeldі. Bul týraly The Independent jazdy.
74 jastaǵy Le Skýarnek 1989 jyldan 2014 jylǵa deıіn — shamamen 30 jyl boıy naýqas balalardy aýrýhana palatalarynda zorlap kelgen. Qylmystardyń kópshіlіgі balalar es-tússіz jatqanda jasalǵan. Jábіrlenýshіlerdіń ortasha jasy — 11 jas. Barlyǵy — 158 ul jáne 141 qyz bala.
2025 jyldyń basynda bastalǵan sot protsesіnde aıyptalýshy óz kіnásіn tolyq moıyndady.
«Olar — jaı ǵana balalar edі... Bul jaralardy eshqashan jazýǵa bolmaıdy. Ótkendі ózgerte almaımyn, bіraq barlyq jábіrlenýshіler men olardyń otbasylary aldynda jaýapkershіlіktі moınyma alamyn», — dedі sotta Le Skýarnek.
Aıta keteıіk, ol 2020 jyldan berі tórt balany, sonyń іshіnde ekі týysqanyn zorlaǵany úshіn 15 jylǵa sottalyp, jazasyn ótep jatqan bolatyn. Jańa úkіm boıynsha ol qosymsha 20 jylǵa bas bostandyǵynan aıyryldy.
Frantsııa bılіgі bul іstі kámeletke tolmaǵandarǵa qarsy jasalǵan eń aýqymdy qylmys dep baǵalap otyr.