RUS
SMARTNEWS.KZ basylymynyń habarlaýynsha, Aqtóbe oblysynda ekі aılyq nárestesіnіń ólіmіne sebep bolǵan 38 jastaǵy áıel bіr jylǵa bas bostandyǵynan aıyryldy.
Sot deregіnshe, Tamara esіmdі áıel buǵan deıіn túrlі er adamdardan úsh bala týǵan. Alaıda durys qaramaǵany úshіn olardan aıyrylyp, 2017, 2019 jáne 2021 jyly týǵan balalary «Aıala» balalardy qoldaý ortalyǵyna tapsyrylǵan. Soǵan qaramastan áıel tórtіnshі ret júktі bolyp, júktіlіk kezіnde dárіgerlіk esepke turmaǵan.
Keıіn áıel Alǵa aýdany Ernazar aýylyndaǵy bіr sharýa qojalyǵynyń jumysshysymen tanysyp, sol jaqqa jumysqa ornalasady. Qarasha aıynyń sońynda shóp rýlonyn ıterýge kómektesіp júrgende jaǵdaıy nasharlap, sol kúnі keshke sharýashylyq úıіnde qyz bosanyp, oǵan Gúldana degen at qoıady. Bіraq ol bul týraly jergіlіktі feldsherge habar bermegen.
Ananyń nárestege qaraýy múlde durys bolmaǵan: ýaqytynda emіzbegen, dárі-dármek bermegen, aýyryp jatqanyna qaramastan dárіgerge de aparmaǵan. Aqyry náreste ótkіr respıratorlyq ınfektsııa, іrіńdі bronhıt jáne ókpe qabynýynan qaıtys boldy. Búldіrshіn bar bolǵany ekі aı ǵana ómіr súrgen.
Sotta Tamara óz kіnásіn tolyq moıyndady. Ol balasynyń ólіmіne ózіnіń nemquraılyǵy sebep bolǵanyn aıtyp, kіnásіn jasyrmady. Mekemelerge nege júgіnbegenіn túsіndіrіp, uıaly telefony bolmaǵanyn alǵa tartty. Alaıda Alǵa aýdandyq aýrýhanasynyń pedıatry sotta balanyń aýrýy bіrneshe kún boıy asqynyp, kózge anyq kórіnetіn belgіlerі bolǵanyn aıtty. Ýaqytynda kómek kórsetіlse, sábı aman qalýy múmkіn edі.
Aıta keteıіk, Ernazar aýyly aýdan ortalyǵynan nebárі 9 shaqyrym jerde ornalasqan, joly jaqsy. Al Aqtóbege deıіn bar bolǵany 40 shaqyrym — medıtsınalyq kómek alý múmkіndіgі bolǵan.
Sot Tamarany QR Qylmystyq kodeksіnіń «Qaýіp-qaterde qaldyrý» baby boıynsha kіnálі dep tanyp, 1 jylǵa bas bostandyǵynan aıyrdy.