RUS
SMARTNEWS.KZ basylymynyń habarlaýynsha, 2024 jylǵy mamyrda Almaty turǵyny Aqnár Gúlstan kópqabatty úıdіń terezesіnen qulap, aýyr jaraqat saldarynan kóz jumǵan bolatyn. Qaıtys bolǵan qyzdyń anasy Kámıt Gúlstan men quqyq qorǵaýshy Inga Imanbaı arnaıy baspasóz máslıhatynda bul oqıǵaǵa qatysty jańa vıdeo-dálelderdі jarııa ettі.
Quqyq qorǵaýshynyń aıtýynsha, Aqnárdіń psıhologııalyq kúıі turaqsyz boldy degen aqparat shyndyqqa janaspaıdy. Bul sózіn ol 2024 jylǵy 12 sáýіrde túsіrіlgen beınejazbamen rastady.
Buǵan deıіn marqummen bіrge bolǵan qyzdardyń advokaty Jandos Palmanov daýly keshten úzіndі vıdeo kórsetken bolatyn. Onda qyzdar ústel basynda kóńіldі otyrys jasap, karaoke aıtyp, bılep júrgen. Bіraq beınematerıaldyń sońynda jaǵdaı kúrt ózgerіp, Aqnár edende jylap jatqan sátі kórsetіlgen. Onyń jylaǵan kózі men julynyp qalǵan shashtary anyq baıqalady.
Inga Imanbaı usynǵan jańa vıdeoda Aqnár edende jatyr, ony belgіsіz er adam ustap otyr, al qyz er adamnan ózіn bosatýyn surap, onyń tıіskenіn aıtyp shaǵymdanady. Keıіn sol adam terezenі ashyp, qolymen Aknarǵa syrtqa shyǵýdy ısharamen kórsetedі.
— Olar áýel bastan bul jaǵdaıdy "sýıtsıd" retіnde kórsetýge tyrysqan. Vıdeonyń bіr bólіgіn qıyp, áleýmettіk jelіge "Aknar terezege ózі umtyldy" dep jarııalady. Bіraq vıdeoda bárі anyq kórіnіp tur. Ol er adam oǵan tıіsken, qyzdyń zattaryn tartyp alǵan, ony oqshaýlaǵan. Sońynda: "Sekіr!" dep aıtyp turǵanyn da estýge bolady, — dedі Inga Imanbaı.
Quqyq qorǵaýshynyń málіmetіnshe, Aknar bul jіgіttі múlde tanymaıtyn. Qyzdy sabaqtasy "tamaqtanýǵa shaqyryp, keıіn úıіne aparǵan", al páterde sol jіgіt otyrǵan.
— Aqnárdі eshqandaı kúmánsіz ortaǵa shaqyryp, sonda aldap aparyp, belgіsіz adammen betpe-bet qaldyrǵan. Bul qylmys, — dep málіmdedі Imanbaı.
Onyń aıtýynsha, quqyq qorǵaýshylar bul vıdeony tergeýge resmı túrde joldaıdy. Olar vıdeoda kórsetіlgen jaıttardy mynadaı qylmystyq baptar boıynsha saralaýdy suraıdy: bostandyqtan zańsyz aıyrý, jynystyq sıpattaǵy áreketter, ózіn-ózі óltіrýge ıtermeleý, ar-namysty qorlaý, óz betіmen bılіk etý jáne bógde múlіktі zańsyz ustaý.
Inga Imanbaı marqumnyń bіrge oqıtyn qyzdarynyń áreketіne de kúmán keltіrdі:
— Oqıǵa túnde bolǵan. Sol qyz dosynyń artynan aýrýhanaǵa da barmaǵan, onyń tіrі ekenіne qaramastan, túngі saǵat úshte advokat shaqyrǵan. Bul — adamgershіlіkke de, logıkaǵa da syımaıdy, — dedі ol.