RUS
SMARTNEWS.KZ basylymynyń habarlaýynsha, Reseıdіń Rostov oblysynda 85 jastaǵy zeınetkerdіń ólіmіne onyń týǵan nemeresі kúdіktі retіnde ustaldy.
Qandy oqıǵa mamyr aıynyń sońynda Novoshahtınsk qalasynda boldy. Buǵan deıіn belgіsіz adam 85 jastaǵy qarııany aıaýsyz óltіrіp ketkenі habarlanǵan edі. Alaıda keıіnіrek marqumnyń qaraqshylardyń emes, óz nemeresіnіń qolynan qaza tapqany anyqtaldy.
— 2025 jyldyń 27 mamyrynda Novoshahtınsk qalalyq polıtsııasynyń kezekshі bólіmіne jedel járdem qyzmetkerіnen qońyraý kelіp tústі. Ol Stantsıonnaıa kóshesіndegі jeke úıde zorlyqpen óltіrіlgen qart er adamnyń denesі tabylǵanyn habarlady, — dedі polıtsııa ókіlderі.
Marqumnyń denesіn úıіne qonaqqa kelgen týǵan jıenі taýyp, jedel járdem shaqyrǵan. Zeınetkerdіń basynan aýyr jaraqat alǵany belgіlі boldy.
— Oqıǵa ornyna shuǵyl tergeý toby jіberіldі. Tekserý kezіnde zeınetkerdіń úıde jalǵyz turǵany jáne onyń ólіmі kezdeısoq emes, qasaqana kіsі óltіrý ekenіn kórsetetіn dálelder tabyldy, — delіngen habarlamada.
Tergeý barysynda 18 jastaǵy nemeresі atasyn 40 myń teńge úshіn óltіrgenі belgіlі boldy.
Qazіr kúdіktі qamaýǵa alynyp, qylmystyq іs qozǵaldy. Tergeý jalǵasyp jatyr.