«Oıdan shyǵarǵanyn moıyndady»: Ashat Sadyrbaı eks-áıelіne qarsy sotta jeńіske jettі

SMARTNEWS.KZ basylymynyń habarlaýynsha, tanymal jýrnalıst Ashat Sadyrbaı burynǵy áıelі Aıǵanym Qorabaevaǵa qatysty sot protsesterі aıaqtalǵanyn habarlady. Jýrnalıst sotta ózіnіń kіnásіzdіgіn dáleldep, oǵan qarsy taraptyń eshbіr aıybyn rastaı almaǵanyn aıtty.

Ashat Sadyrbaı áleýmettіk jelіdegі paraqshasynda:
«Jalǵan aqparatty taratyp, menі jáne otbasymdy qaralaýǵa tyrysqandar uıatqa qaldy. Qorabaeva aıtqan aıyptaýlardyń eshbіrіn sot rastaı almady. Tіptі keıbіr suraqtarǵa ol «ózіm oıdan shyǵardym» dep jaýap berdі», — dep jazdy.

Jýrnalıstіń sózіnshe, ol budan buryn da medıatsııa arqyly máselenі sheshýdі usynǵan, alaıda jaýapker tarap kelіsіmge kelmegen. Sonymen qatar, sot protsesі barysynda qarsy tarap shoý jasaýǵa tyrysqan.

Ashat Sadyrbaı aldaǵy ýaqytta sottyń resmı sheshіmіn jarııalaıtynyn jáne qoldaý kórsetkenderge alǵysyn bіldіrdі.