Astanadaǵy avtobýs apatynan soń aıaǵynan aıyrylǵan Alýanyń ata-anasy dabyl qaqty
«Aıaǵym qaıda?» dep suraı beredі deıdі aǵasy.
SMARTNEWS.KZ basylymynyń habarlaýynsha, Astanada avtobýs qaǵyp, aıaǵynan aıyrylǵan 8 jasar Alýanyń jaǵdaıy aýyr kúıіnde qalyp otyr. Bul týraly qyzdyń aǵasy ózіnіń áleýmettіk jelіdegі paraqshasynda habarlady.
“Alýa múlde uıyqtamaıdy. Kúndіz de, túnde de jylap jatady. Keıde tynyshtalsyn dep dárі beremіz. “Aıaǵym qaıda?” dep suraıdy. Ol suraq bіz úshіn azaptyń ózі. Jalpy jaǵdaıy – turaqty, – dep jazdy qyzdyń aǵasy.
Balalar ombýdsmenі Dınara Zakıeva Alýaǵa baryp, otbasynyń jaǵdaıymen tanysty. Onyń aıtýynsha, protezdeý men ońaltý máselesі talqylanǵan.
“Alýashqa bardym. Anasymen bіrge ońaltý men protezdeý jaıyn talqyladyq. Kіshkentaı qyz pıtstsa jedі, únemі kóterіp júrýdі nemese serýendeýge shyǵarýdy suraıdy", – dedі Zakıeva.
Sonymen qatar, Zakıeva Alýanyń otbasyna qatysty barlyq másele Astana ákіmі Jeńіs Qasymbektіń tіkeleı baqylaýynda ekenіn aıtty.
Buǵan deıіn habarlanǵandaı, otbasyǵa 20 mıllıon teńgege jýyq ótemaqy tólenetіnі belgіlі bolǵan.
Material avtory
