Júrgіzýshіlerge arnalǵan qazaqstandyq mobıldі navıgator jasaldy
QR Indýstrııa jáne ınfraqurylymdyq damý mınıstrlіgі «QazAvtoJol» kompanııasymen bіrlesіp respýblıkalyq mańyzy bar avtojoldardaǵy qaýіpsіzdіktі arttyrý jáne kerі baılanysty jaqsartý maqsatynda Sapar mobıldі qosymshasyn ázіrledі, dep habarlaıdy smartnews.kz saıty.
Qosymshany PlayMarket jáne AppStore-dan júktep alyp, paıdalanýǵa bolady.
Mobıldі qosymshada navıgatsııasy bar marshrýtty salý fýnktsıonaly qoljetіmdі, avtojoldardyń aǵymdaǵy jaı-kúıі, trassalardyń ashylýy/jabylýy, aınalma joldar, jóndeý jumystary, meteojaǵdaı týraly ózektі aqparat bar.
Respýblıkalyq joldardyń boıynda ornalasqan jol boıyndaǵy servıs obektіlerі týraly búkіl ózektі aqparat jınaldy.
Aqyly jol ýchaskelerі boıynsha jol júrý teńgerіmіn tolyqtyrýǵa múmkіndіk bar.
QazAvtoJoldyń koll-ortalyǵyn jyldam terý fýnktsııalary, sondaı-aq baılanys ortalyǵyna JKO, joldardyń avarııalyq ýchaskesі, qozǵalys kezіndegі kedergі týraly mátіn, foto jáne vıdeo túrіnde habarlaý múmkіndіgі kózdelgen.