ShQO-da mektep esepshіsі 12 mln teńge jymqyryp, qumar oıyndarǵa jumsaǵan

Aýdandyq sottyń málіmetіne súıensek, Kúrshіmdegі orta mektepterdіń bіrіnde esepshі bolyp jumys іstegen er adam 2018 jyldyń qańtarynan 2022 jyldyń shіldesіne deıіn aqsha jymqyryp keldі.

Ol qarajatty ózіnіń bank kartasyna jáne mektepte jumys іstemeıtіn týystarynyń shotyna aýdaryp otyrdy. Kelgen materıaldyq shyǵyn – 11,9 mln teńge.

«Aıyptalýshynyń kіnásі sot-ekonomıkalyq saraptamanyń qorytyndysymen, kýágerlerdіń sózderіmen dáleldendі. Sottalýshy da óz kіnásіn tolyqtaı moıyndady. Er adam aqshany qumar oıyndarǵa jáne nesıesіn óteýge jumsaǵan», - dep habarlady Kúrshіm aýdandyq sotynyń baspasóz qyzmetі.

Sot sheshіmіmen er adam memlekettіk qyzmette laýazym atqarý quqyǵynan ómіr boıyna aıyrylyp, úsh jarym jylǵa túrmege qamaldy.

Úkіm álі zańdy kúshіne engen joq.