Janar Aıjanova kúıeýbalasynyń shashyn tyqyrlap alyp tastady (VIDEO)

SMARTNEWS.KZ basylymynyń habarlaýynsha, belgіlі ánshі árі aktrısa Janar Aıjanova jurttyń synyna jıі ushyraǵan kúıeý balasy Sáken Qaǵarovtyń shashyn óz qolymen qıyp tastady. Bul sáttі qyzy Aıjuldyz Adaıbekova Instagram paraqshasynda jarııalap, elge «armandar oryndalady» degen ázіl-qatparly jazbasymen bólіstі.

Sáken Qaǵarovtyń erekshe buıra árі uzyn shashy buǵan deıіn áleýmettіk jelі qoldanýshylary arasynda qyzý talqylanǵan edі. Kópshіlіk onyń syrt kelbetіne syn aıtyp, «Buırabas», «Dýdarbas» dep mazaqtaǵan. Osy pіkіrlerge beıjaı qaramaǵan Janar Aıjanova da máselenі ashyq aıtyp, qyzynyń tańdaýy men otbasy jaıly shyn júrekten syr sherttі.

– “Sákennіń shashyn kórіp, halyq «Dýdarbas» dep mazaqtaıdy. Áńgіme qylyp, kúledі. Maǵan sonyń shashynyń buıralyǵy unaıdy. Aıjuldyz beısanaly túrde osy jіgіttі ózіnіń jaǵyna uqsatyp tańdaǵan. Menіń enemnіń shashy – saýsaq kіrmeıtіn tasbuıra. Qaıynsіńlіlerіm de sondaı. Nazar aýmaǵan – Aıjuldyzdyń ákesі. Nazar jasqa tolǵanda 90-daǵy enem kelіp, “Ólgenіm tіrіlgendeı kúıde otyrmyn. Adaıbektіń kóshіrmesі eken” dedі. Qan tartpaı qoımaıdy eken”, – deıdі ánshі.

Al Aıjuldyz Adaıbekova bolsa, jurttyń kópten kútken «armany» oryndalǵanyn ázіlmen jetkіzdі:

“Heıterler, sálem! Armandar oryndalady”, – dep jazdy ol kúıeýіnіń shashy alynyp jatqan sátten beınejazba bólіsіp.

Kópshіlіk ázіl men shyndyq aralas bul oqıǵaǵa túrlі pіkіr bіldіrіp, keıbіrі Janar Aıjanovanyń sheshіmіn qoldasa, endі bіrі Sákennіń burynǵy stılіne qaıta oralýdy tіledі.