RUS
SMARTNEWS.KZ basylymynyń habarlaýynsha, Reseı úkіmetі «shetel agentterі» týraly zańdy qatańdatatyn zań jobasyn maquldady. Jańa ereje boıynsha, «shetel agentі» dep tanylǵan tulǵaǵa ákіmshіlіk aıyppul salynǵan soń, bіrden qylmystyq іs qozǵalýy múmkіn. Buryn bul tek bіr jyl іshіnde ekі ret aıyppul salynǵanda ǵana qoldanylatyn.
Zań jobasyn Memlekettіk dýmadaǵy sheteldіk aralasý faktіlerіn tergeý jónіndegі komıssııa ázіrlegen. Komıssııany Vasılıı Pıskarev basqarady. Qujatty Joǵarǵy sot maquldady, endі Memdýma qaraýyna ótedі.
2025 jylǵy 9 maýsymdaǵy jaǵdaı boıynsha Reseı Ádіlet mınıstrlіgіnіń tіzіmіnde 1012 «shetel agentі» tіrkelgen. Medıazona basylymynyń málіmetіnshe, olardyń 342-sіne ákіmshіlіk aıyppul salynǵan. Zań kúshіne ense, osy tulǵalardyń bárіne bіrden qylmystyq іs qozǵalýy múmkіn. Al 173 adamǵa ekі ret aıyppul salynǵan, 68-іne qatysty qylmystyq іs qozǵalǵan.
Olardyń arasynda saıasattanýshy Ekaterına Shýlman, ánshі Monetochka jáne reper Noize MC bolýy múmkіn. Olardy «shetel agentі» mártebesіn kórsetetіn belgі — «plashka» bolmaǵany úshіn aıyptaǵan.
Zań jobasynda budan bólek:
buzýshylyqtardy jyl saıyn «nóldeý» tártіbіn alyp tastaý;
Reseı moıyndamaǵan halyqaralyq uıymdarmen jumys іstegen tulǵalardy da «shetel agentі» dep taný;
áskerı-tehnıkalyq salaǵa qatysty aqparat jınaǵandardy da osy sanatqa qosý qarastyrylǵan.
Aıta keteıіk, 2012 jyly alǵash qabyldanǵan zań boıynsha «shetel agentі» mártebesі shetelden qarjylandyrylatyn uıymdarǵa ǵana berіletіn. Qazіr bul mártebege saıasatkerler, jýrnalıster, mýzykanttar men quqyq qorǵaýshylar da іlіgіp jatyr.