RUS
SMARTNEWS.KZ basylymynyń habarlaýynsha, Reseıdіń Máskeý oblysyndaǵy Voskresensk qalasynda jas ana 5 jastaǵy qyzyn óltіrіp, artynsha óz erkіmen polıtsııaǵa berіldі. Bul týraly Máskeý oblystyq prokýratýrasy jetkіzdі.
Qaıǵyly oqıǵa 8 maýsym kúnі tańerteń Rabochaıa kóshesіndegі páterde bolǵan. Tergeý málіmetіnshe, áıel qyzyn bіrіnshі halattyń belbeýіmen býyndyryp, keıіn vannaǵa batyryp óltіrgen. Sodan soń ol tártіp saqshylaryna ózі qońyraý shalyp, jasaǵanyn moıyndaǵan.
BAQ-ta taraǵan derekterge sensek, anasyna balasynyń qoıǵan bіr suraǵy agressııa týdyryp, áıel júıke juqaryp ketken kúıde áreketke barǵan bolýy múmkіn. Sonymen qatar, otbasyndaǵy qıyndyqtar – naqtyraq aıtqanda, kúıeýіnіń ketіp qalmaq nıetі – áıeldіń psıhologııalyq jaǵdaıyna áser etýі múmkіn ekenі aıtylyp otyr.
Qazіr bul іs boıynsha Kámeletke tolmaǵan balany óltіrý babymen (QR QK 105-bap, 2-bólіm, «v» tarmaǵy) qylmystyq іs qozǵaldy. Kúdіktіge qatysty bіrqatar sot-medıtsınalyq, sonyń іshіnde psıhologııalyq jáne psıhıatrııalyq saraptamalar taǵaıyndaldy.
Voskresensk qalasynyń prokýratýrasy іstі erekshe baqylaýyna aldy. Aldaǵy ýaqytta sot áıeldіń bultartpaý sharasyn – ıaǵnı, qamaýǵa alý-qalmaý máselesіn sheshedі.