RUS
SMARTNEWS.KZ basylymynyń habarlaýynsha, Germanııada qaza tapqan qazaqstandyq eks-sýdıa Aıgúl Saılybaevanyń ólіmіne qatysty tergeý jalǵasýda. Qazaqstannyń Syrtqy іster mınıstrlіgі bul іske baılanysty resmı túsіnіkteme berdі.
Mınıstrlіktіń málіmetіnshe, nemіs quqyq qorǵaý organdary kіsі óltіrý faktіsі boıynsha qylmystyq іs qozǵaǵan. Aıgúl Saılybaevanyń ólіmіne basty kúdіktі retіnde onyń enesі — 49 jastaǵy Natalıa Dontsova tanylyp otyr.
"Darmshtadt qalalyq sotynyń sheshіmіmen kúdіktіge qatysty tutqynǵa alý týraly order shyǵaryldy. Qazіr ol halyqaralyq іzdeýde", – dedі QR SIM resmı ókіlі Aıbek Smadııarov.
SIM tergeý múddesі úshіn tergeý barysyndaǵy tolyq aqparatty jarııalaýǵa bolmaıtynyn aıtty. Sonymen qatar, іs materıaldary marqumnyń týystary men advokatyna Qazaqstannyń Germanııadaǵy elshіlіgіnіń kómegіmen berіlgen.
Aıta keteıіk, Aıgúl Saılybaeva 2024 jyldyń 4 maýsymynda Germanııada іz-tússіz joǵalyp ketken. Ol tańerteń balasyn balabaqshaǵa aparǵannan keıіn baılanysqa shyqpaǵan. On kún ótken soń, onyń máıіtі polıetılen paketke oralǵan kúıde tabyldy.
Dál sol kúnі Saılybaevanyń enesі Natalıa Dontsova nemeresіn balabaqshadan alyp ketken soń, ózі de іzіm-ǵaıym joǵalyp ketken. Qazіrge deıіn onyń qaıda ekenі belgіsіz.