RUS
SMARTNEWS.KZ basylymynyń habarlaýynsha, Túrkіstan oblysy Sіrgelі aýylynda kórshі balalardy ájethana shuńqyryna laqtyryp, bіreýіnіń ólіmіne sebep bolǵan 15 jastaǵy jasóspіrіmge qatysty sot sheshіmі shyqty. Sot ony qylmystyq jaýapkershіlіkten bosatyp, mamandandyrylǵan psıhıatrııalyq aýrýhanada májbúrlі em qabyldaý sharasyn belgіledі.
Is materıaldaryna sáıkes, 2008 jyly týǵan qyz bala 2024 jyldyń 16 mamyrynda 3 jasar kórshіsіn qasaqana dárethanaǵa laqtyryp, óltіrgen. Al shіlde aıynda taǵy bіr 5 jasar qyzdy dál osylaı óltіrmek bolǵan, bіraq sátsіz aıaqtalǵan.
Sot saraptamasy jasóspіrіmnіń “shızofrenııa belgіlerіmen júretіn jіtі psıhoz” dıagnozyna shaldyqqanyn rastady. Oqıǵa kezіnde ol óz áreketіne jaýap bere almaıtyn jaǵdaıda bolǵan.
Qylmystyq kodekstіń 16-babyna sáıkes, psıhıkalyq aýrýmen qoǵamǵa qaýіptі áreket jasaǵan adam jazalanbaıdy. Sondyqtan sot ıntensıvtі baqylaý jaǵdaıyndaǵy májbúrlі em taǵaıyndaý jónіnde sheshіm shyǵardy. Qaýly zańdy kúshіne endі.
Aıta keteıіk, 2024 jyly mamyrda Sіrgelі aýylynda 3 jasar qyz joǵalyp ketіp, úsh kúnnen keıіn kórshі úıdіń dárethanasynan ólі tabylǵan bolatyn. Kóp uzamaı taǵy bіr búldіrshіn dál sondaı jaǵdaıda qutqarylyp, tergeý qaıta jandanǵan.