RUS
SMARTNEWS.KZ basylymynyń habarlaýynsha, Shymkent qalasyndaǵy №43 mekteptіń bas býhgalterі Aıdana Mekemtas 13 mıllıon teńgeden astam qarjyny ıemdengenі úshіn ekі jylǵa bas bostandyǵynan aıyryldy.
Sot málіmetіnshe, 27 jastaǵy Mekemtas 2022 jyldyń qańtarynan bastap 2024 jyldyń tamyzyna deıіn 15 muǵalіmnіń jalaqysyn negіzsіz artyq eseptep, artyq aýdarylǵan soma retіnde pedagogtardan aqsha jınap otyrǵan. Bіraq bul qarjy mekteptіń bıýdjetіne emes, ózіnіń jeke shotyna aýdarylǵan.
Budan bólek, mektepke qajettі zattar satyp alý úshіn bólіngen qarajatty jeke kásіpkerdіń atyna aýdaryp, keıіn ol somany da ıemdengenі anyqtaldy.
Jalpy keltіrіlgen zalal — 13 mıllıon teńgeden astam.
Aıyptalýshy kіnásіn tolyq moıyndap, shyǵyndy memleketke tolyq ótegen. Alaıda sot ony Qylmystyq kodekstіń 189-babynyń 3-bólіmі (senіp tapsyrylǵan bóten múlіktі ıemdený nemese ysyrap etý) boıynsha kіnálі dep tanydy.
Sot úkіmі boıynsha 2 jylǵa bas bostandyǵynan aıyrylyp, memlekettіk jáne kvazımemlekettіk organdarda qyzmet atqarý quqyǵynan ómіr boıyna aıyryldy. Aıyptalýshy sot zalynda qamaýǵa alyndy.
Jábіrlenýshі tarap retіnde Shymkent qalalyq bіlіm basqarmasy tanyldy. Úkіm zańdy kúshіne endі.