RUS
SMARTNEWS.KZ basylymynyń habarlaýynsha, Jambyl oblysynda kózі kórmeıtіn múgedek áıel óz kelіnіnіń alaıaqtyǵynyń qurbany boldy. Moıynqum aýdandyq sotynyń málіmetіnshe, alaıaqtyq faktіsі boıynsha áıel adamǵa qatysty úkіm shyǵarylyp, jaza taǵaıyndaldy.
Sot deregіne súıensek, 2025 jyldyń naýryz aıynda kelіnі kórý qabіletіnen tolyq aıyrylǵan, bіrіnshі toptaǵy múgedek enesіne «ETSQ ashyp beremіn» dep aldap, onyń uıaly telefonyn ıelenіp, elektrondyq qoltańbasyn zańsyz paıdalanǵan. Osy arqyly ol enesіnіń atynan bіrneshe onlaın nesıe rásіmdegen.
Osy áreketіnіń nátıjesіnde múgedek anaǵa 514 myń teńge kólemіnde materıaldyq shyǵyn keltіrіlgen. Qaryz bіrneshe qarjy uıymynda rásіmdelgen. Nesıe alynyp bolǵan soń, kelіnі Almaty qalasyna ketіp, baılanyssyz qalǵan.
Jábіrlenýshі taraptyń shaǵymynan keıіn іs qozǵalyp, sotqa deıіngі tergeý amaldary júrgіzіlgen. Sot protsesі barysynda kelіnі óz kіnásіn tolyq moıyndap, іs boıynsha usynylǵan dáleldemelerge qarsylyq bіldіrmegen. Sonymen qatar, sotqa jábіrlenýshіmen tatýlasqanyn aıtyp, jazany jeńіldetýdі suraǵan.
Moıynqum aýdandyq sotynyń úkіmіmen ol QR Qylmystyq kodeksіnіń 190-baby, 1-bólіgі («Alaıaqtyq») boıynsha kіnálі dep tanylyp, 1 jylǵa bas bostandyǵyn shekteý jazasyna kesіldі.
— Úkіm zańdy kúshіne endі, — dep habarlady sottyń baspasóz qyzmetі.
Atalǵan oqıǵa múgedek jandardyń quqyqtary men jeke derekterіnіń qaýіpsіzdіgіn qamtamasyz etýdіń mańyzdylyǵyn taǵy bіr márte kórsetіp otyr. Sonymen qatar, jaqyn týystar arasyndaǵy senіmdі terіs paıdalanýdyń qoǵamda qandaı saldarǵa alyp keletіnіn de eskertý retіnde baǵalaýǵa bolady.