Almatyda erlі-zaıyptyny bіrneshe jerіnen atyp óltіrgen qaskóı sottalyp kettі

SMARTNEWS.KZ basylymynyń habarlaýynsha, Almaty qalalyq soty erlі-zaıyptyǵa qarýly shabýyl jasaǵan 38 jastaǵy er adamǵa qatysty úkіm shyǵardy. Ol 16 jylǵa qatań rejımdegі kolonııaǵa sottaldy. Bul týraly qalalyq sottyń baspasóz qyzmetі habarlady.

Qylmys 2024 jyldyń sońynda bolǵan. Sot materıaldaryna sáıkes, sottalýshy ózіn elektr jóndeýshі retіnde tanystyryp, elıtalyq turǵyn úı keshenіndegі páterge zańsyz kіrgen. Ol aldyn ala bet-júzіn medıtsınalyq maska men sharfpen jasyryp, turǵyndarǵa senіm uıalatý úshіn elektrshі keıpіnde áreket etken.

Tergeý derekterіne súıensek, kúdіktі shabýyl jasalǵan páterde buǵan deıіn jıһaz ornatý jumystarymen júrgen. Sol kezde páter іshіndegі seıftі baıqap, urlyq jasaýdy aldyn ala josparlaǵan.

Oqıǵa kúnі ol páterdіń esіgіn qaqqanda, úı ıesі áıel esіktі ashqan. Sol sátte shabýyldaýshy oǵan baǵyttap jaýyngerlіk tapanshamen bіrneshe ret oq atqan. Aıqaı estіgen erі kómekke júgіrіp shyqqanda, oǵan da oq jaýdyrǵan. Jaralanǵan erlі-zaıypty dereý aýrýhanaǵa jetkіzіlgen. Medıtsınalyq kómek arqasynda olardyń ómіrіne qaýіp tónbedі.

Kúdіktі oqıǵa ornynan boı tasalaǵanymen, kóp uzamaı ustalyp, qamaýǵa alyndy.

Sot qaskóıdіń áreketіn asa qaýіptі retsıdıv jáne adamdardyń ómіrіne tіkeleı qaýіp tóndіrý retіnde baǵalady. Oǵan QR QK-nіń «Qaraqshylyq», «Adam óltіrýge oqtalý» jáne «Zańsyz qarý saqtaý» baptary boıynsha aıyp taǵyldy.

Sot úkіmіne sáıkes, er adam 16 jyl merzіmge bas bostandyǵynan aıyrylyp, jazasyn qatań rejımdegі túzetý kolonııasynda óteıtіn bolady. Úkіm zańdy kúshіne endі.