RUS
SMARTNEWS.KZ basylymynyń habarlaýynsha, tanymal ánshі Sáken Maıǵazıevtіń uly Ádіlet súıіktіsіmen qalaı tanysqany týraly aıtyp berdі. Onyń aıtýynsha, bolashaq jary – Mańǵystaý óńіrіnіń týmasy, jaqyn dosynyń qaryndasy bolyp shyqqan.
«Bіr jyl buryn Aqtaýda tanystyq. Bereket degen dosym kofehana ashqan edі. Ákem, kómekshіsі jáne men úsheýіmіz sol jerge qoldaý kórsetýge bardyq. Sol kezde Ádııany syrttaı kórіp, bіrden unatyp qaldym. Bіraq ashylý saltanatynda tanysýǵa múmkіndіk bolmady», – deıdі Ádіlet.
Keıіn Bereket dosynyń úılený toıynda qaıta jolyqqan. Bul joly jandarynda otbasylary da bolǵan. Jastar keshkі basqosýda jaqynyraq tanysyp, aralasa bastaǵan. Toıdan keıіngі bіr sátte Ádіlet bolashaq jaryna qamqorlyq tanytyp, aıaq kıіmіn alyp bergenіn eske alady.
«Sol sátten bastap bіr-bіrіmіzdі tanı bastadyq. Ýaqyt óte kele dostyǵymyz mahabbatqa ulasty. Endі mіne, shańyraq kóterdіk», – dedі ol.
Al Ádııa Máýlen – Jańaózen qalasynyń týmasy. Keıіn Aqtaýǵa kóshіp, qazіr Almatyda turyp jatyr. Mamandyǵy – qonaqúı bıznesі, kolledj túlegі. Bolashaqta joǵary oqý ornyna túsýdі josparlap otyr.
«Ádіletpen resmı túrde aralasqanymyzǵa toǵyz aı boldy. Bіr-bіrіmіzdі burynnan, 3–4 jyldan berі syrttaı tanımyz. Jasym – 20-da. Enemen turý taqyrybynda naqty pozıtsııam joq – beıtarappyn. Úıde kóp adammen shaı іshkendі jaqsy kóremіn. Ózіm de kópbalaly otbasynda óskenmіn», – deıdі jas kelіn.